|    Oct 24 Tue, 2017 3:14 pm
FLASH NEWS

പടക്കനിര്‍മാണശാലയില്‍ അപകടം; ദമ്പതികള്‍ക്ക് പരിക്ക്

Published : 8th February 2016 | Posted By: SMR

പുതുക്കാട്: അത്താണിയില്‍ പടക്കനിര്‍മാണത്തിനിടെയുണ്ടായ തീപ്പിടിത്തത്തില്‍ നിര്‍മാണത്തിലേര്‍പ്പെട്ടിരുന്ന ദമ്പതികള്‍ക്ക് പരിക്കേറ്റു. നെല്ലിശേരി സ്വദേശി സുരേഷ്(സുന്ദരന്‍-46), ഭാര്യ രാജി(40) എന്നിവര്‍ക്കാണ് പൊള്ളലേറ്റത്.
ഇന്നലെ ഉച്ചയ്ക്ക് 12ഓടെയാണ് അപകടം. പടക്കം കെട്ടുന്നതിനിടയില്‍ തിരിയില്‍ തീ പടര്‍ന്നാണ് അപകടമുണ്ടായത്. ഗുരുതരമായി പൊള്ളലേറ്റ രണ്ടുപേരെയും തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. പുതുക്കാട് പോലിസ് കേസെടുത്തു.
മേക്കട്ടിപ്പാടം അത്താണി പ്രദേശങ്ങളില്‍ വീടുകളില്‍ അനധികൃതമായി പടക്കനിര്‍മാണം നടക്കുന്നതായി പോലിസിന് വിവരം ലഭിച്ചിട്ടുണ്ട്. രണ്ടുവര്‍ഷം മുമ്പ് മേഖലയിലെ പടക്കനിര്‍മാണ ശാലയിലുണ്ടായ പൊട്ടിത്തെറി—യില്‍ അപകടം സംഭവിച്ചിരുന്നു. അശ്രദ്ധമായി സ്‌ഫോടക വസ്തുക്കള്‍ ഉപയോഗിച്ചതിനാണ് സുരേഷിനെതിരേ പുതുക്കാട് പോലിസ് കേസെടുത്തത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക