|    Jan 20 Fri, 2017 9:43 pm
FLASH NEWS

പഞ്ചാബ് മന്ത്രിയുമായി വാഗ്വാദം പോലിസ് ഉദ്യോഗസ്ഥയെ സ്ഥലം മാറ്റി

Published : 29th November 2015 | Posted By: SMR

ചണ്ഡീഗഡ്: ഹരിയാനയിലെ ഫത്തേഹബാദ് പോലിസ് സൂപ്രണ്ട് സംഗീത കാലിയ ഐപിഎസിനെ സ്ഥലം മാറ്റി. കഴിഞ്ഞ ദിവസം ഇവരോട് യോഗത്തില്‍ നിന്ന് ഇറങ്ങിപ്പോവാന്‍ സംസ്ഥാന ആരോഗ്യമന്ത്രി അനില്‍ വിജ് ആവശ്യപ്പെട്ടിരുന്നു. എന്നാല്‍ സംഗീത ഇറങ്ങിപ്പോയില്ല. ഇതില്‍ ക്ഷുഭിതനായ മന്ത്രി ഇറങ്ങിപ്പോവുകയും ചെയ്തു. ഫത്തേഹാബാദ് ജില്ലാ ഭരണകൂടം സംഘടിപ്പിച്ച പരിപാടിക്കിടെയായിരുന്നു സംഭവം.
ഹരിയാന അതിര്‍ത്തിയിലെ മദ്യക്കടത്ത് സംബന്ധിച്ച് മന്ത്രിയും സംഗീതയും തമ്മില്‍ യോഗത്തില്‍ വാക്കുതര്‍ക്കം നടന്നു. ഇതിനിടയിലാണ് അവരോട് ഇറങ്ങിപ്പോവാന്‍ മന്ത്രി ആവശ്യപ്പെട്ടത്. വാഗ്വാദം സമൂഹമാധ്യമങ്ങളില്‍ വൈറലായിരുന്നു. ഉദ്യോഗസ്ഥയുടെ പെരുമാറ്റത്തെക്കുറിച്ച് പരാതിപ്പെടുമെന്ന് മന്ത്രി അറിയിച്ചിരുന്നു. ഇതിന് പിറകേയാണ് സംഗീത കാലിയയെ സ്ഥലം മാറ്റാന്‍ സര്‍ക്കാര്‍ തീരുമാനിച്ചത്. ഗുഡ്ഗാവ് ജില്ലയിലെ ഭോണ്ട്‌സിയിലേക്ക് സംഗീതയെ മാറ്റുമെന്നാണറിയുന്നത്. സംഗീതക്കെതിരായ മന്ത്രിയുടെ നിലപാടിനെതിരേ സമൂഹമാധ്യമങ്ങളില്‍ കടുത്ത പ്രതികരണങ്ങള്‍ വരുന്നുണ്ട്.

Share on FacebookShare on Google+Tweet about this on TwitterShare on LinkedIn
(Visited 64 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക