|    Sep 20 Thu, 2018 12:23 am
FLASH NEWS
Home   >  Todays Paper  >  page 9  >  

പകുതിയോളം അമേരിക്കക്കാരും ഫേസ്ബുക്കില്‍ നിന്ന് വിട്ടുനില്‍ക്കുന്നു

Published : 8th September 2018 | Posted By: kasim kzm

വാഷിങ്ടണ്‍: പകുതിയോളം അമേരിക്കക്കാര്‍ ഫേസ്ബുക്കില്‍ നിന്നു വിട്ടുനില്‍ക്കുന്നു. എഫ്ബിയിലെ വ്യക്തിഗത വിവരങ്ങള്‍ സ്വകാര്യ സ്ഥാപനങ്ങള്‍ക്കു കൈമാറിയത് സ്ഥിരീകരിക്കപ്പെട്ടതോടെയാണ് ലോകത്തെ ഏറ്റവും വലിയ സാമൂഹിക മാധ്യമത്തില്‍ നിന്നു മാറിനില്‍ക്കാന്‍ യുഎസ് പൗരന്‍മാര്‍ തീരുമാനിച്ചത്. പ്യൂ റിസര്‍ച്ച് ഫൗണ്ടേഷന്‍ നടത്തിയ സര്‍വേയിലാണ് ഈ വിവരങ്ങള്‍ പുറത്തുവന്നത്. 42 ശതമാനം അമേരിക്കക്കാര്‍ എഫ്ബിയില്‍ നിന്നു മാറിനില്‍ക്കുകയാണ്. ഒരു വര്‍ഷത്തോളമായി എഫ്ബി ഉപയോഗിക്കാത്തവരാണ് ഇവര്‍. 26 ശതമാനം പേര്‍ ഫോണില്‍ നിന്ന് എഫ്ബി ആപ്ലിക്കേഷന്‍ ഒഴിവാക്കിയവരാണെന്നും പഠനത്തിലുണ്ട്. 18-29 പ്രായക്കാരില്‍ 44 ശതമാനം പേരാണ് ഫോണില്‍ നിന്ന് എഫ്ബി ഒഴിവാക്കിയത്. എന്നാല്‍ എത്രപേരാണ് പൂര്‍ണമായും എഫ്ബി ഒഴിവാക്കിയതെന്ന്് സര്‍വേയില്‍ പറയുന്നില്ല.എഫ്ബിയില്‍ നിന്നു വിട്ടുനില്‍ക്കാത്തവര്‍ അകൗണ്ടിലെ സുരക്ഷാ ക്രമീകരണങ്ങള്‍ ശക്തമാക്കാന്‍ ശ്രദ്ധിക്കുന്നുണ്ടെന്നും സര്‍വേയില്‍ കണ്ടെത്തിയിട്ടുണ്ട്.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss