|    Apr 24 Tue, 2018 1:09 am
FLASH NEWS

പകര്‍ച്ചവ്യാധികള്‍ പടര്‍ന്നുപിടിക്കാന്‍ സാധ്യതയുണ്ട്: ജില്ലാ കലക്ടര്‍

Published : 8th April 2018 | Posted By: kasim kzm

പത്തനംതിട്ട: കാലവര്‍ഷം എത്തുന്നതോടെ പലവിധ പകര്‍ച്ചവ്യാധികളും പടര്‍ന്നുപിടിക്കാന്‍ സാധ്യതയുണ്ടെന്ന് ജില്ലാ കലക്ടര്‍ ആര്‍ ഗിരിജ.
ലോകാരോഗ്യ ദിനത്തോടനുബന്ധിച്ച് കലക്ടറേറ്റില്‍ നടന്ന ശുചീകരണ പരിപാടി ഉദ്ഘാടനം ചെയ്യുകയായിരുന്നു കലക്ടര്‍. ഇതു മുന്‍കൂട്ടി കണ്ട് ആവശ്യമായ മുന്‍കരുതലുകള്‍ ആരോഗ്യവകുപ്പും തദ്ദേശഭരണ സ്ഥാപനങ്ങളും എടുക്കുന്നുണ്ട്.
ജനങ്ങളുടെ ഭാഗത്തുനിന്നും ഇക്കാര്യത്തില്‍ കൂടുതല്‍ കാര്യക്ഷമമായ പ്രവര്‍ത്തനങ്ങള്‍ ഉണ്ടായാല്‍ മാത്രമേ പ്രതിരോധ പ്രവര്‍ത്തനങ്ങള്‍ വിജയിക്കൂ. ശുചീകരണം ഒരു സംസ്‌കാരമായി വളര്‍ത്തിയെടുത്താല്‍ മാത്രമേ ഇതിന് കഴിയൂ എന്നും കലക്ടര്‍ പറഞ്ഞു.
എഡിഎം  കെ ദിവാകരന്‍ നായര്‍, ഡെപ്യൂട്ടി കലക്ടര്‍മാരായ പി റ്റി എബ്രഹാം, വി ബി ഷീല, ജില്ലാ മെഡിക്കല്‍ ഓഫീസര്‍ ഡോ.എ എല്‍ ഷീജ, ഡെപ്യൂട്ടി ജില്ലാ മെഡിക്കല്‍ ഓഫിസര്‍ ഡോ. എല്‍ അനിതകുമാരി, ഹരിതകേരളം ജില്ലാ കോഓര്‍ഡിനേറ്റര്‍ ആര്‍ രാജേഷ്, ഹുസൂര്‍ ശിരസ്തദാര്‍ വില്യം ജോര്‍ജ്  ശുചീകരണത്തിന് നേതൃത്വം നല്‍കി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss