|    Jul 24 Mon, 2017 4:21 am
FLASH NEWS
Home   >  Todays Paper  >  page 9  >  

ന്യൂയോര്‍ക്കില്‍ 60,000ഓളം ഭവനരഹിതര്‍

Published : 28th October 2015 | Posted By: SMR

ന്യൂയോര്‍ക്ക്: ന്യൂയോര്‍ക്ക് നഗരത്തില്‍ 60,000ഓളം ഭവനരഹിതരെന്നു റിപോര്‍ട്ട്. പുതിയ കണക്കുകള്‍ പ്രകാരം നഗരത്തിലെ ഭവനരഹിതരുടെ എണ്ണം 57,448 ആണെന്നും ഇതില്‍ 40 ശതമാനത്തോളം കുട്ടികളാണെന്നും റഷ്യ ടുഡെ (ആര്‍ടി) റിപോര്‍ട്ട് ചെയ്യുന്നു. നഗരത്തില്‍ ആകെ 23,000 കുട്ടികളാണു തെരുവില്‍ കഴിയുന്നത്. ന്യൂയോര്‍ക്കില്‍ തെരുവില്‍ കഴിയുന്നവരുടെ എണ്ണത്തില്‍ 2002നുശേഷം വലിയതോതിലുള്ള വര്‍ധനയാണുണ്ടായത്. നഗരത്തില്‍ കെട്ടിട വാടകയിലുണ്ടായ വര്‍ധനയാണ് തെരുവില്‍ കഴിയുന്നവരുടെ എണ്ണം കൂടാന്‍ കാരണം.
മാനസികാസ്വാസ്ഥ്യമുള്ളവരും മയക്കുമരുന്നിന് അടിപ്പെട്ടവരുമാണ് തെരുവില്‍ കഴിയുന്നവരെന്നുള്ള തെറ്റിദ്ധാരണ വ്യാപകമായി പ്രചരിക്കപ്പെടാറുണ്ട്. അത്തരം ധാരണകള്‍ക്ക് അടിസ്ഥാനമില്ലെന്ന് ഈ മേഖലയില്‍ പഠനം നടത്തുന്ന ഏജന്‍സികളെ ഉദ്ധരിച്ച് ആര്‍ടി റിപോര്‍ട്ട് ചെയ്യുന്നു. നഗരത്തില്‍ തെരുവില്‍ കഴിയുന്ന കുടുംബങ്ങളുടെ എണ്ണം 12000ഓളം വരും. ഇതില്‍ മൂന്നില്‍ രണ്ടു കുടുംബങ്ങളിലും 10 വയസ്സില്‍ താഴെയുള്ള കുട്ടികളുണ്ട്. വാടക നല്‍കാത്തതിനാല്‍ വീട്ടുടമകള്‍ ഇറക്കിവിടുന്നവര്‍ തെരുവുകളെ ആശ്രയിക്കുകയാണെന്നും റിപോര്‍ട്ട് വ്യക്തമാക്കുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക