|    Oct 24 Wed, 2018 5:59 am
FLASH NEWS

നോട്ട്്് നിരോധനത്തില്‍ ഇരകളായത് സ്ത്രീകള്‍: വി കെ ശ്രീകണ്ഠന്‍

Published : 10th January 2017 | Posted By: fsq

 

പാലക്കാട്:നരേന്ദ്രമോദിയുടെ നോട്ട് നിരോധനത്തിലൂടെ ഉണ്ടായ ദേശീയ ദുരന്തത്തിന് ഇരകളായത് സ്ത്രീകളാണെന്ന് ഡി സി സി പ്രസിഡന്റ് വി കെ ശ്രീകണ്ഠന്‍. കേന്ദ്രത്തിലെ മോദി സര്‍ക്കാരിന്റെ നോട്ടു നിരോധനത്തിനെതിരേയും കേരളത്തിലെ പിണറായി സര്‍ക്കാരിന്റെ റേഷന്‍ വിതരണത്തിലെ അപാകതക്കെതിരെയും അഖിലേന്ത്യാടിസ്ഥാനത്തില്‍ മഹിളാ കോണ്‍ഗ്രസ് നടത്തുന്ന ജില്ലാതല പട്ടിണി സമരത്തിന്റെ ഭാഗമായി മഹിളാ കോണ്‍ഗ്രസ് ജില്ലാ കമ്മിറ്റിയുടെ ആഭിമുഖ്യത്തില്‍ പാലക്കാട് കോട്ടമൈതാനത്തിനടുത്തുള്ള അഞ്ചുവിളക്കിന് മുന്‍പില്‍ നടത്തിയ പട്ടിണി സമരം ഉദ്ഘാടനം ചെയ്യുകയായിരുന്നു അദ്ദേഹം.തെറ്റായ വാഗ്ദാനങ്ങള്‍ നല്‍കി ജനങ്ങളെ കബളിപ്പിക്കുന്ന നരേന്ദ്രമോദിയും, എല്ലാം ശരിയാക്കുമെന്ന് പറഞ്ഞ് അധികാരത്തിലെത്തിയ പിണറായി വിജയനും ജനങ്ങളെ ദ്രോഹിക്കുവാന്‍ ഒരു നാണയത്തിന്റെ രണ്ടുവശങ്ങളെപ്പോലെ മത്സരിക്കുകയാണെന്നും, ഈ അനീതിക്കെതിരെ ഇന്ത്യന്‍ നാഷണല്‍ കോണ്‍ഗ്രസ് രാജ്യവ്യാപകമായ രണ്ടാം സ്വാതന്ത്ര്യസമരത്തിന് തയ്യാറെടുത്താല്‍ മഹിളാ കോണ്‍ഗ്രസിന്റെ നേതൃത്വത്തില്‍ സ്ത്രീകളുടെ പങ്ക് സജീവമായി രംഗത്തുണ്ടാവണമെന്നും വി കെ ശ്രീകണ്ഠന്‍ ഉദ്ഘാടന പ്രസംഗത്തില്‍ പറഞ്ഞു.യോഗത്തില്‍ മഹിളാ  കോണ്‍ഗ്രസ്  ജില്ലാ പ്രസിഡന്റ് കെ ഐ കുമാരി അധ്യക്ഷത വഹിച്ചു. മുന്‍ എം പി വി എസ് വിജയരാഘവന്‍, മുന്‍ ഡി സി സി പ്രസിഡന്റ് സി വി ബാലചന്ദ്രന്‍, കെ പി സി സി സെക്രട്ടറി സി ചന്ദ്രന്‍, എ ഐ സി സി അംഗങ്ങളായ വിജയന്‍ പൂക്കാടന്‍, ശാന്താജയറാം, നേതാക്കളായ പി എച്ച് മുസ്തഫ, ഓമന ഉണ്ണി, രാജേശ്വരി ജയപ്രകാശ്, ഇന്ദിരാ ടീച്ചര്‍, റുക്കിയ, ഉഷാ ഉണ്ണികൃഷ്ണന്‍, രാധാമുരളീധരന്‍, തങ്കമണി ടീച്ചര്‍, സംഗീത, ചന്ദ്രിക ചന്ദ്രന്‍, മാലതീകൃഷ്ണന്‍, ഫാത്തിമ മുതലായവര്‍ സംസാരിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss