|    Mar 27 Mon, 2017 10:29 am

നേമം മണ്ഡലത്തില്‍ സ്വീവേജ് ഡ്രെയിനേജ് പദ്ധതികള്‍ ഉടന്‍ നടപ്പാക്കുമെന്ന്

Published : 25th November 2015 | Posted By: SMR

തിരുവനന്തപുരം: നേമം നിയോജകമണ്ഡലത്തിലെ വിവിധ വാര്‍ഡുകളില്‍ ഒരു കോടി രൂപയുടെ സ്വീവേജ്-ഡ്രെയിനേജ് പദ്ധതികള്‍ ഉടന്‍ നടപ്പിലാക്കുമെന്ന് വി ശിവന്‍കുട്ടി എംഎല്‍എ അറിയിച്ചു. പുജപ്പുര, മുടവന്‍മുഗള്‍, പുന്നയ്ക്കാമുഗള്‍, കരമന എന്നീ നഗരസഭാ വാര്‍ഡുകളില്‍ മഴക്കാലത്തും അല്ലാത്തപ്പോഴും അനുഭവപ്പെടുന്ന സ്വീവേജ് മാന്‍ഹോളിലുടെയുളള മലിനജല പ്രവാഹം കാരണം ജനങ്ങള്‍ക്കുണ്ടാവുന്ന ബുദ്ധിമുട്ടുകള്‍ക്ക് ഒരു പരിധിവരെയെങ്കിലും ഈ പദ്ധതികള്‍ പൂര്‍ത്തിയാവുന്നതോടെ പരിഹാരമാവും.
മൈത്രി നഗര്‍ മുതല്‍ മുടവന്‍മുഗള്‍ പമ്പ് ഹൗസ് വരെയുളള 750 മീറ്റര്‍ സ്വീവേജ്‌ലൈന്‍-48.25 ലക്ഷം, മുടവന്‍ മുഗള്‍ സ്വീവേജ് പമ്പ് ഹൗസിന്റെ അപ്‌ഗ്രേഡഷന്‍ പ്രവൃത്തിയും അറ്റകുറ്റപ്പണി തീര്‍ക്കലും-24.5ലക്ഷം, പൂജപ്പുര പരീക്ഷാഭവനു സമീപമുളള ശ്രീപുരം-സായിറാം റോഡിലെ സ്വീവേജ് മാന്‍ഹോള്‍ നിര്‍മാണം 6.33 ലക്ഷം, കുഞ്ചാലുമൂട് കാട്ടുവിളാകം റോഡിലെ മാന്‍ഹോളുകളുടെ നിര്‍മാണം 11.31 ലക്ഷം, മൈത്രി നഗര്‍ വിജയമോഹിനിമില്‍- മുടവന്‍മുഗള്‍ പമ്പ് ഹൗസ് സ്വീവേജ് ലൈന്‍ ശുചികരണം-1.88 ലക്ഷം എന്നിവയാണ് ഭരണാനുമതി ലഭിച്ചതും ഭരണാനുമതി തേടുന്നതുമായ പ്രവൃത്തികളെന്നും സാങ്കേതിക ഭരണാനുമതികള്‍ പൂര്‍ത്തിയാവുന്ന മുറയ്ക്ക് ടെന്‍ഡര്‍ നടപടികള്‍ പൂര്‍ത്തിയാക്കി പദ്ധതികള്‍ പൂര്‍ത്തിയാക്കുമെന്നും ശിവന്‍കുട്ടി അറിയിച്ചു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക