|    Mar 30 Thu, 2017 10:23 am
FLASH NEWS

നേപ്പാള്‍ തടവിലാക്കിയ ജവാന്മാരെ വിട്ടയച്ചു

Published : 30th November 2015 | Posted By: SMR

കാഠ്മണ്ഡു/ന്യൂഡല്‍ഹി: ഡീസല്‍ കള്ളക്കടത്തുകാരെ പിന്തുടര്‍ന്ന് അറിയാതെ അതിര്‍ത്തിക്കപ്പുറമെത്തിയ 13 സശസ്ത്ര സീമാബല്‍ (എസ്എസ്ബി) ജവാന്മാരെ നേപ്പാള്‍ പിടികൂടി. അഞ്ചു മണിക്കൂറിനു ശേഷം ഇവരെ വിട്ടയച്ചു.
ഞായറാഴ്ച രാവിലെയാണ് എസ്എസ്ബി ജവാന്മാര്‍ കള്ളക്കടത്തുകാരെ പിന്തുടര്‍ന്ന് അംബാരി-കെസ്‌ന അതിര്‍ത്തി കടന്ന് നേപ്പാളിലെത്തിയത്. ഈ സമയം അതിര്‍ത്തിയില്‍ കാവലിലുണ്ടായിരുന്ന നേപ്പാളിന്റെ സായുധ പോലിസ് സേന(എപിഎഫ്)യാണ് ഇന്ത്യന്‍ ജവാന്മാരെ പിടികൂടി അവരുടെ ക്യാംപില്‍ തടവിലാക്കിയത്.
ഇന്ത്യന്‍ ജവാന്മാരില്‍ നാലുപേരുടെ പക്കല്‍ ആധുനിക തോക്കുകളുണ്ടായിരുന്നു. പിന്നീട് ഇരുപക്ഷത്തുമുള്ള ഉന്നത സൈനിക ഉദ്യോഗസ്ഥര്‍ തമ്മില്‍ ബന്ധപ്പെട്ടതിനെ തുടര്‍ന്ന് സൈനികരെ മോചിപ്പിച്ചു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day