|    May 23 Tue, 2017 4:27 pm
FLASH NEWS

നേപ്പാളില്‍ ബസ് മറിഞ്ഞ് 23 മരണം

Published : 13th April 2016 | Posted By: SMR

കാഠ്മണ്ഡു: നേപ്പാളിലെ ഖൊതാങ് ജില്ലയില്‍ ബസ് താഴ്ചയിലേക്കു മറിഞ്ഞ് 23 പേര്‍ മരിച്ചു. നേപ്പാള്‍ തലസ്ഥാനം കാഠ്മണ്ഡുവില്‍ നിന്നു വരുകയായിരുന്ന ബസ് ഇന്നലെ രാവിലെ ഖൊതാങിലെ ബര്‍ഖേതാറില്‍ വച്ച് റോഡില്‍നിന്ന് 300 മീറ്റര്‍ താഴ്ചയിലേക്കു വീഴുകയായിരുന്നു. ബസ് തകര്‍ന്ന് മരങ്ങള്‍ക്കിടയില്‍ കുടുങ്ങിയത് രക്ഷാപ്രവര്‍ത്തനങ്ങളെ ബാധിച്ചു.
സുരക്ഷാ പ്രവര്‍ത്തകര്‍ക്ക് മണിക്കൂറുകളുടെ ശ്രമത്തിനൊടുവിലാണ് ബസ്സിനടുത്തെത്താനായത്. മരിച്ചവരെ തിരിച്ചറിയാനുള്ള നടപടികള്‍ തുടര്‍ന്നു വരുകയാണ്. ബസ്സില്‍ താങ്ങാനാവുന്നതിലധികം യാത്രക്കാരുണ്ടായിരുന്നതായി പ്രദേശവാസികള്‍ അറിയിച്ചു. 30 പേരെ ജീവനോടെ പുറത്തെടുത്ത് രക്ഷപ്പെടുത്തി.
70ഓളം യാത്രക്കാര്‍ ബസ്സിലുണ്ടായിരുന്നതായി ഹിമാലയന്‍ ടൈംസ് റിപോര്‍ട്ട് ചെയ്യുന്നു. അപകടസ്ഥലത്ത് രക്ഷാപ്രവര്‍ത്തനത്തിനായി സൈന്യത്തിന്റെ ഹെലികോപ്റ്ററുകള്‍ വിന്യസിച്ചിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day