|    Mar 26 Sun, 2017 11:10 am
FLASH NEWS

നെല്‍വയല്‍ മണ്ണിട്ടു നികത്താനുള്ള ശ്രമം അധികൃതര്‍ തടഞ്ഞു

Published : 19th May 2016 | Posted By: SMR

മാള: നെല്‍വയലിലുള്ള പത്ത് സെന്റ് ഭൂമി കരിങ്കല്ലുപയോഗിച്ച് അതിര്‍ത്തി കെട്ടി മണ്ണടിച്ച് നികത്താന്‍ ശ്രമം. പൊയ്യ ഗ്രാമപ്പഞ്ചായത്തിലെ മഠത്തുംപടിയിലെ ഡാറ്റാബാങ്കില്‍പ്പെട്ട നെല്‍പ്പാടത്തിലെ പത്ത് സെന്റ് ഭൂമി ഒറ്റദിവസം കൊണ്ട് സംരക്ഷണ ഭിത്തി കെട്ടി മണ്ണിട്ട് നികത്താന്‍ ശ്രമിച്ചത്.
അമ്പതോളം ജോലിക്കാരേയും നിരവധി ടിപ്പര്‍ ലോറികളും ഉപയോഗിച്ച് നികത്താന്‍ ശ്രമമുണ്ടായത്. ടിപ്പറുകളില്‍ കരിങ്കല്ലെത്തിച്ച് പെട്ടെന്ന് പണി തീര്‍ക്കാനായിരുന്നു ശ്രമം. പണി പകുതിയോളമായപ്പോള്‍ വിവരമറിഞ്ഞെത്തിയ പൊയ്യ വില്ലേജ് ഓഫിസര്‍ നളിനിയും അസിസ്റ്റന്റ് വില്ലേജ് ഓഫിസറും പണി തടഞ്ഞു. മൂന്ന് ദിവസത്തിനകം സ്ഥലം പൂര്‍വ സ്ഥിതിയിലാക്കണമെന്ന് വില്ലേജ് ഓഫിസര്‍ ഉത്തരവിട്ടു.
മരം മുറിക്കാനുള്ള
ശ്രമം തടഞ്ഞു
മാള: അന്നമനട ഗ്രാമപ്പഞ്ചായത്തിലെ കീഴഡൂര്‍ ജങ്ഷനില്‍ നിന്നു തെക്കോട്ട് പോകുന്ന മുദപടവ് റോഡിനരികിലുള്ള വലിയ ഐനിമരം അനധികൃതമായി മുറിക്കാനുള്ള ശ്രമം തടഞ്ഞു.
മില്‍മയുടെ കീഴഡൂര്‍ യൂനിറ്റ് സെക്രട്ടറി മുളങ്ങില്‍ സോമനെന്ന വ്യക്തി അനധികൃതമായി മരം വില്‍പ്പന നടത്തിയതിനെ തുടര്‍ന്ന് കരാറുകാരന്‍ എത്തി മരം മുറിക്കാന്‍ ശ്രമിച്ചതാണ് പതിനാറാം വാര്‍ഡ് കോണ്‍ഗ്രസ് കമ്മിറ്റിയുടെ നേതൃത്വത്തില്‍ തടഞ്ഞത്.

(Visited 49 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക