|    Aug 18 Fri, 2017 6:52 am
FLASH NEWS

നെല്‍വയല്‍ തണ്ണീര്‍ത്തട സംരക്ഷണ നിയമലംഘനം നടത്തുന്നവര്‍ക്കെതിരേ നടപടി സ്വീകരിക്കണമെന്ന്

Published : 4th June 2017 | Posted By: fsq

 

ആലത്തൂര്‍: നെല്‍വയല്‍ തണ്ണീര്‍ത്തട സംരക്ഷണ നിയമം ലംഘനം നടത്തുന്നവര്‍ക്കെതിരേ കര്‍ശന നിയമ നടപടി സ്വീകരിക്കണമെന്ന് താലൂക്ക് വികസന സമിതി യോഗം ആവശ്യപ്പെട്ടു. കൃഷി ഓഫീസര്‍മാര്‍ വിഷയത്തില്‍ ജാഗ്രത പാലിക്കണമെന്നും യോഗം നിര്‍ദേശിച്ചു. ആലത്തൂര്‍, വടക്കഞ്ചേരി ടൗണുകളില്‍ വ്യാപാര സ്ഥാപനങ്ങള്‍ അനധികൃതമായി സ്ഥാപിച്ചിട്ടുള്ള താല്‍ക്കാലിക ഷെഡുകള്‍ ഗതാഗത കുരുക്കിന് കാരണമാകുന്നുണ്ടെന്നും ഇവ പൊളിച്ചുമാറ്റി ഗതാഗത സൗകര്യം മെച്ചപ്പെടുത്തണമെന്നും ആവശ്യപ്പെട്ടു. താലൂക്ക് ഓഫിസിനു മുന്‍പിലെ ബസ് സ്റ്റോപ്പ് അല്‍പ്പം മുന്നോട്ടു നീക്കി സ്ഥാപിക്കാനും യോഗം തീരുമാനിച്ചു. കെ ഡി പ്രസേനന്‍ എംഎല്‍എ അധ്യക്ഷത വഹിച്ചു. ആലത്തൂര്‍ ബ്ലോക്ക് പഞ്ചായത്ത് പ്രസിഡന്റ് സി കെ ചാമുണ്ണി, ജില്ലാ പഞ്ചായത്തംഗങ്ങളായ യു അസീസ്, എ ടി ഔസേഫ്, വി മീനാകുമാരി, വടക്കഞ്ചേരി പഞ്ചായത്ത് പ്രസിഡന്റ് അനിത പോള്‍സണ്‍, തേങ്കുറിശ്ശി പഞ്ചായത്ത് പ്രസിഡന്റ് ഇന്ദിര, തഹസില്‍ദാര്‍ എം കെ അനില്‍കുമാര്‍, ഡെപ്യൂട്ടി തഹസില്‍ദാര്‍ എസ് കദീജ എന്നിവര്‍ സംസാരിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക