|    Oct 19 Thu, 2017 11:53 pm
Home   >  Todays Paper  >  page 9  >  

നെയ്‌റോബിയില്‍ വെള്ളപ്പൊക്കത്തിലും കെട്ടിടങ്ങള്‍ തകര്‍ന്നും 14 മരണം

Published : 1st May 2016 | Posted By: SMR

നെയ്‌റോബി: കെനിയന്‍ തലസ്ഥാനമായ നെയ്‌റോബിയില്‍ വെള്ളപ്പൊക്കത്തിലും കെട്ടിടങ്ങള്‍ തകര്‍ന്നും 14 മരണം. നഗരത്തില്‍ കനത്ത മഴയെത്തുടര്‍ന്നുണ്ടായ മണ്ണിടിച്ചിലിലും വെള്ളപ്പൊക്കത്തിലുമായി നിരവധി കെട്ടിടങ്ങള്‍ തകര്‍ന്നിരുന്നു. പൂര്‍ണമായി തകര്‍ന്ന ആറുനില കെട്ടിടത്തിന്റെ അവശിഷ്ടങ്ങള്‍ക്കടിയില്‍ നിന്ന് ഏഴു മൃതദേഹങ്ങള്‍ കണ്ടെത്തിയതായി പോലിസ് അറിയിച്ചു.
പ്രളയബാധിത മേഖലകളില്‍ നിന്ന് 120ഓളം പേരെ രക്ഷപ്പെടുത്താനായതായി പോലിസ് അറിയിച്ചു. 10 മണിക്കൂറോളം കെട്ടിടാവശിഷ്ടങ്ങള്‍ക്കടിയില്‍പ്പെട്ട ഒരു കുട്ടിയെ ഇന്നലെ പുറത്തെടുത്തിരുന്നു. പ്രളയത്തെത്തുടര്‍ന്ന് 150ഓളം വീടുകള്‍ക്ക് തകര്‍ച്ച സംഭവിച്ചതായി കെനിയയിലെ റെഡ്‌ക്രോസ് അധികൃതര്‍ അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക