|    Oct 18 Wed, 2017 2:53 pm
FLASH NEWS
Home   >  Todays Paper  >  page 10  >  

നെടുമ്പാശ്ശേരി ഹജ്ജ് ക്യാംപ്: തീരുമാനങ്ങള്‍  തിരഞ്ഞെടുപ്പിനു ശേഷം

Published : 15th May 2016 | Posted By: SMR

കൊണ്ടോട്ടി: സംസ്ഥാന ഹജ്ജ് കമ്മിറ്റിക്കു കീഴില്‍ ഹജ്ജിനു പോവുന്നവര്‍ക്ക് നെടുമ്പാശ്ശേരിയില്‍ ഒരുക്കുന്ന ഹജ്ജ് ക്യാംപ് സംബന്ധിച്ചുള്ള തീരുമാനങ്ങള്‍ തിരഞ്ഞെടുപ്പിനു ശേഷം കൈക്കൊള്ളും. നെടുമ്പാശ്ശേരിയില്‍ നിന്നാണ് ഇത്തവണയും ഹജ്ജ് വിമാന സര്‍വീസുകള്‍ ഷെഡ്യൂള്‍ ചെയ്തിരിക്കുന്നത്.  ഇതുസംബന്ധിച്ച് ഔദ്യോഗിക അറിയിപ്പ് കഴിഞ്ഞ ദിവസമാണ് ഹജ്ജ് കമ്മിറ്റിക്കു ലഭിച്ചത്. ഇതിനെത്തുടര്‍ന്ന് സംസ്ഥാന ഹജ്ജ് കമ്മിറ്റി കൊച്ചി ഇന്റര്‍നാഷനല്‍ എയര്‍പോര്‍ട്ട് ലിമിറ്റഡു(സിയാല്‍)മായി തിരഞ്ഞെടുപ്പിനുശേഷം കൂടിക്കാഴ്ച നടത്തും.  കരിപ്പൂരില്‍ വലിയ വിമാനങ്ങള്‍ക്കുള്ള നിയന്ത്രണവും റണ്‍വേ റീ-കാര്‍പറ്റിങ് പൂര്‍ത്തിയാവാത്തതിനാലുമാണ് കഴിഞ്ഞ വര്‍ഷത്തെപ്പോലെ ഹജ്ജ് എംബാര്‍ക്കേഷന്‍ പോയിന്റ് നെടുമ്പാശ്ശേരിയിലേക്കു മാറ്റിയത്. സൗദി അറേബ്യന്‍ എയര്‍ലൈന്‍സാണ് ഇത്തവണ നെടുമ്പാശ്ശേരിയില്‍ നിന്ന് ഹജ്ജ് സര്‍വീസുകള്‍ നടത്താന്‍ കരാര്‍ ഏറ്റെടുത്തത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക