|    Aug 16 Thu, 2018 10:07 am
Home   >  Todays Paper  >  Page 4  >  

നെടുമങ്ങാട് സബ് രജിസ്ട്രാര്‍ക്ക്എതിരേ ഉന്നതതല അന്വേഷണം; സര്‍ക്കാരിന്റെ നിലപാടു തേടി

Published : 10th April 2018 | Posted By: kasim kzm

കൊച്ചി: ആധാരത്തില്‍ കൃത്രിമം കാട്ടിയെന്ന കേസില്‍ നെടുമങ്ങാട് സബ് രജിസ്ട്രാര്‍ കാര്‍ത്തികേയനെതിരേ ഉന്നതതല അന്വേഷണം വേണമെന്ന ഹരജിയില്‍ ഹൈക്കോടതി സര്‍ക്കാരിന്റെ നിലപാട് തേടി. ഉന്നത പോലിസ് ഉദ്യോഗസ്ഥന്‍ അന്വേഷിക്കണമെന്നാവശ്യപ്പെട്ട് നെയ്യാറ്റിന്‍കര സ്വദേശി വിദ്യാധരന്‍ നല്‍കിയ ഹരജിയില്‍ രജിസ്‌ട്രേഷന്‍ ഐജിയെ കക്ഷി ചേര്‍ത്തു.
ഹരജി അടുത്തദിവസം ഹൈക്കോടതി വീണ്ടും പരിഗണിക്കും. പട്ടികജാതി വിഭാഗത്തില്‍പ്പെട്ട രജിസ്‌ട്രേഷന്‍ ഐജി വിരമിച്ചപ്പോള്‍ ഓഫിസ് മുറിയിലും ഔദ്യോഗിക വാഹനത്തിലും ചാണക വെള്ളം തളിച്ച കേസില്‍ പ്രതിയാണു കാര്‍ത്തികേയന്‍. ആധാരത്തില്‍ ഭൂമിയുടെ വില കുറച്ചുകാണിക്കാന്‍ ഇയാള്‍ 50,000 രൂപ കൈക്കൂലി ചോദിച്ചെന്നും ഇതിനെതിരേ ജില്ലാ രജിസ്ട്രാര്‍ക്ക് നല്‍കിയ പരാതിയില്‍ കാര്‍ത്തികേയനെ താക്കീത് ചെയ്‌തെന്നും ഹരജിയില്‍ പറയുന്നു. ഇതിലുള്ള പക കാരണം ആധാരമെഴുത്തുകാരുമായി ചേര്‍ന്ന് കാര്‍ത്തികേയന്‍ ഗൂഢാലോചന നടത്തി താന്‍ വാങ്ങിയ ഭൂമിയുടെ ആധാരത്തിന്റെ അവസാനത്തെ രണ്ടു പേജുകള്‍ നീക്കംചെയ്‌തെന്നാണ് ഹരജിക്കാരന്റെ പരാതി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss