|    Jan 21 Sat, 2017 4:24 pm
FLASH NEWS

നൂറിന്റെ നിറവിലും നര്‍മം വിതറി വലിയ ഇടയന്‍

Published : 21st June 2016 | Posted By: SMR

കൊച്ചി: നൂറു തികയുന്ന മാര്‍ ഫിലിപ്പോസ് ക്രിസോസ്റ്റം വലിയ മെത്രാപോലീത്തയുടെ ജന്മദിനം ആഘോഷിച്ച് ചലച്ചിത്രതാരം പത്മശ്രീ ഭരത് മമ്മൂട്ടിയും കൂട്ടരും. മമ്മൂട്ടി നേതൃത്വം നല്‍കുന്ന കെയര്‍ ആന്റ് ഷെയര്‍ ഇ ന്റര്‍നാഷനല്‍ ഫൗണ്ടേഷന്റെ നേതൃത്വത്തിലാണ് ഫിലിപ്പോസ് മാര്‍ ക്രിസോസ്റ്റം വലിയ മെത്രാപോലീത്തയുടെ നൂറാം ജന്മദിനം കൊച്ചിയിലെ സ്വകാര്യ ഹോട്ടലില്‍ ആഘോഷിച്ചത്. മമ്മൂട്ടി തന്നെയായിരുന്നു സമ്മേളനം ഉദ്ഘാടനം ചെയ്തത്.
അപൂര്‍വമായി കാണുന്ന മഹത്വമുള്ള വ്യക്തിയാണ് മാര്‍ ഫിലിപ്പോസ് ക്രിസോസ്റ്റം മെത്രാപോലീത്തയെന്ന് മമ്മൂട്ടി പറഞ്ഞു. അദ്ദേഹവും താനും തമ്മില്‍ ഇപ്പോ ള്‍ വലിയ പ്രായവ്യത്യാസമില്ലെന്നും തമാശ രൂപേണ മമ്മൂട്ടി പറഞ്ഞു.
പ്രായത്തിന്റെ അവശതകളിലും തന്റെ സ്വതസിദ്ധമായ ശൈലിയില്‍ നര്‍മം വിതറിക്കൊണ്ടാണ് ക്രിസോസ്റ്റം മെത്രാപോലീത്ത മറുപടി പ്രസംഗം ആരംഭിച്ചത്. ഒരേസമയം ചിരിപ്പിക്കുകയും ചിന്തിപ്പിക്കുകയും ചെയ്തുകൊണ്ട് 15 മിനിറ്റോളം നടത്തിയ പ്രസംഗത്തില്‍ എല്ലാവരും വലിയവര്‍ ആവുന്നത് മറ്റുള്ളവര്‍ മൂലമാണെന്ന് മാര്‍ ഫിലിപ്പോസ് മാര്‍ ക്രിസോസ്റ്റം പറഞ്ഞു. തുടര്‍ന്ന് ജന്മദിന കേക്ക് മാര്‍ ക്രിസോസ്റ്റവും മമ്മൂട്ടിയും ചേര്‍ന്ന് മുറിച്ചു. മാര്‍ ക്രിസോസ്റ്റത്തോടുള്ള ആദരസൂചകമായി കെയര്‍ ആന്റ് ഷെയര്‍ ഫൗണ്ടേഷന്റെ നേതൃത്വത്തില്‍ ക്രിസോസ്റ്റം തിരുമേനി ഏറെ സ്‌നേഹിക്കുന്ന ആദിവാസി സമൂഹത്തിനായി മൂന്നു പദ്ധതികളും മമ്മൂട്ടി ചടങ്ങില്‍ പ്രഖ്യാപിച്ചു. ഇതിന്റെ വാഗ്ദാന പത്രം മമ്മൂട്ടി മാര്‍ ക്രിസോസ്റ്റത്തിന് ചടങ്ങില്‍ കൈമാറി.

Share on FacebookShare on Google+Tweet about this on TwitterShare on LinkedIn
(Visited 44 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക