|    Jul 28 Fri, 2017 4:33 am
FLASH NEWS
Home   >  Todays Paper  >  page 9  >  

നീപ്പാള്‍: കെ പി ശര്‍മ ഓലി പ്രധാനമന്ത്രി

Published : 12th October 2015 | Posted By: swapna en

കാഠ്മണ്ഡു: ഗഡ്കര്‍ പ്രസാദ് ശര്‍മ ഓലി നീപ്പാളിന്റെ പുതിയ പ്രധാനമന്ത്രിയായി തിരഞ്ഞെടുക്കപ്പെട്ടു. തിരഞ്ഞെടുപ്പിനു മുന്നോടിയായി സുശീല്‍ കൊയ്‌രാള കഴിഞ്ഞ ദിവസം പ്രധാനമന്ത്രി പദവി രാജിവച്ചിരുന്നു. രാജ്യത്തു പുതിയ ഭരണഘടന അംഗീകരിക്കപ്പെട്ടതിനു ശേഷം ഉയര്‍ന്നുവന്ന സംഘര്‍ഷങ്ങള്‍ക്ക് അറുതി വരുത്തുന്നതിനും പരിഹാരം കാണുന്നതിനും കൊയ്‌രാള സര്‍ക്കാര്‍ പരാജയപ്പെട്ടെന്ന ആരോപണമാണ് പാര്‍ലമെന്റില്‍ പുതിയ വോട്ടെടുപ്പ് നടത്തുന്നതിലേക്കു നയിച്ചത്.

587 അംഗ മന്ത്രിസഭയില്‍ 338 വോട്ടുകളാണ് ഒലിക്കു ലഭിച്ചത്. സി.പി.എന്‍-യു.എം.എല്‍. ചെയര്‍മാനായ ഒലിക്ക് പ്രധാനമന്ത്രിയായി തിരഞ്ഞെടുക്കപ്പെടുന്നതിന് ആവശ്യമായ വോട്ടിനേക്കാള്‍ 39 വോട്ടുകളാണ് അധികം ലഭിച്ചത്. അതേസമയം, നീപ്പാളി കോണ്‍ഗ്രസ് പ്രസിഡന്റായ കൊയ്‌രാളയ്ക്ക് 249 വോട്ടുകളേ നേടാനായുള്ളൂ. യു.സി.പി.എന്‍-മാവോയിസ്റ്റ്, രാഷ്ട്രീയ പ്രചാതന്ത്ര പാര്‍ട്ടി-നീപ്പാള്‍, മധേസി ജനാധികാര്‍ ഫോറം ഡെമോക്രാറ്റിക് എന്നീ പാര്‍ട്ടികളും ഏതാനും ചെറുപാര്‍ട്ടികളും ഒലിയെ പിന്തുണയ്ക്കുന്നുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക