|    Oct 16 Tue, 2018 11:03 am
FLASH NEWS

നീണ്ടകരയില്‍ മല്‍സ്യബന്ധന വള്ളം മറിഞ്ഞ് അഞ്ചുപേര്‍ക്ക് പരിക്ക്

Published : 1st December 2017 | Posted By: kasim kzm

ചവറ: കടല്‍ക്ഷോഭത്തെ തുടര്‍ന്ന്  നീണ്ടകരയില്‍ മല്‍സ്യബന്ധന വള്ളം മറിഞ്ഞ് അഞ്ച് മല്‍സ്യത്തൊഴിലാളികള്‍ക്ക് പരിക്കേറ്റു. നീണ്ടകരയില്‍ നിന്നും 22 നോട്ടിക്കല്‍ മൈല്‍ അകലെ ഇന്നലെ രാവിലെ ഒമ്പതിനാണ്  കടലില്‍ മല്‍സ്യ ബന്ധനം നടത്തിവന്ന കൊരട്ടി മാതാ വള്ളം മറിഞ്ഞത്. അഞ്ച് പേരായിരുന്നു വള്ളത്തിലുണ്ടായിരുന്നത്. നീണ്ടകര പള്ളി പുറമ്പോക്കില്‍ ആന്റണി (45), കന്യാകുമാരി തുത്തൂര്‍ സ്വദേശി സതീശ് (38), കന്യാകുമാരി കരിങ്ങാല്‍ സ്വദേശി റോബിന്‍ (45), നീണ്ടകര സ്വദേശി പ്രിന്‍സ് (45), ബാബു (42)  എന്നിവര്‍ക്കാണ് പരിക്കേറ്റത്. ഇവരില്‍ ആന്റണി, സതീശ് എന്നിവര്‍ക്ക് സാരമായി പരിക്കേറ്റു. ശക്തമായ കാറ്റില്‍പ്പെട്ട് വള്ളം മറിയുകയായിരുന്നു. നാലു മണിക്കൂറോളം തൊഴിലാളികള്‍ സഹായത്തിന് വിളിച്ചു കൂവി വള്ളത്തില്‍ പിടിച്ചു കിടന്നു. ഒരു മണിയോടെ ഇത് വഴി കടന്നു വന്ന ബോട്ടിലെ തൊഴിലാളികളാണ് അപകടത്തില്‍പ്പെട്ട  മല്‍സ്യത്തൊഴിലാളികളെ  രക്ഷപ്പെടുത്തി കരയിലെത്തിച്ചത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss