|    Jan 25 Wed, 2017 5:12 am
FLASH NEWS

നിശാ ക്ലബ്ബിലെ തീപ്പിടിത്തം; റുമാനിയന്‍ പ്രധാനമന്ത്രി രാജിവച്ചു

Published : 5th November 2015 | Posted By: SMR

ബുക്കാറസ്റ്റ്: റുമാനിയന്‍ പ്രധാനമന്ത്രി വിക്ടര്‍ പോന്ത രാജിവച്ചു. തലസ്ഥാനത്തെ നിശാക്ലബ്ബില്‍ 32 പേരുടെ മരണത്തിനിടയാക്കിയ തീപ്പിടിത്തത്തിനു പിന്നാലെ പ്രധാനമന്ത്രിയുടെ രാജിയാവശ്യപ്പെട്ട് 20,000ഓളം പേര്‍ തെരുവിലിറങ്ങിയതോടെയാണ് രാജി.
400ഓളം പേര്‍ നിശാക്ലബ്ബില്‍ ഒരുമിച്ച സമയത്താണു തീപ്പിടിത്തമുണ്ടായത്. സംഭവത്തില്‍ 100ഓളം പേര്‍ക്കു പരിക്കേല്‍ക്കുകയും ചെയ്തിരുന്നു. സര്‍ക്കാര്‍ അഴിമതിയില്‍ മുങ്ങിക്കുളിച്ചിരിക്കുകയാണെന്നും രാജ്യത്തെ സുരക്ഷാ പരിശോധന അപര്യാപ്തമാണെന്നും ആരോപിച്ചാണു പ്രക്ഷോഭകര്‍ തെരുവിലിറങ്ങിയത്. തട്ടിപ്പ്, നികുതി വെട്ടിപ്പ്, കള്ളപ്പണം വെളുപ്പിക്കല്‍ തുടങ്ങിയവയുമായി ബന്ധപ്പെട്ട കേസുകളില്‍ സപ്തംബറില്‍ വിചാരണ നടപടികള്‍ ആരംഭിച്ചതോടെ പ്രധാനമന്ത്രി പദത്തിലിരിക്കെ വിചാരണ നേരിടുന്ന ആദ്യ പ്രധാനമന്ത്രിയായി പോന്ത മാറിയിരുന്നു.
താനും തന്റെ സര്‍ക്കാരും പടിയിറങ്ങുകയാണെന്നു പ്രഖ്യാപിച്ച പോന്ത തെരുവിലിറങ്ങിയ ജനങ്ങള്‍ക്ക് രാജികൊണ്ടു തൃപ്തിയാവുമെന്നു പ്രതീക്ഷിക്കുന്നതായി അറിയിച്ചു.

Share on FacebookShare on Google+Tweet about this on TwitterShare on LinkedIn
(Visited 57 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക