|    Mar 30 Thu, 2017 6:25 pm
FLASH NEWS

നിറതോക്കുമായി ബാലികയെ ഉപേക്ഷിച്ച മുത്തച്ഛന്‍ അറസ്റ്റില്‍

Published : 5th November 2015 | Posted By: SMR

അരിസോണ: മദ്യപിക്കുന്നതിന് അഞ്ചു വയസ്സുള്ള പേരക്കിടാവിനെ വെടിയുണ്ട നിറച്ച പിസ്റ്റള്‍ നല്‍കി മരുഭൂമിയില്‍ നിര്‍ത്തിപ്പോയ മധ്യവയസ്‌കനെ യുഎസ് പോലിസ് അറസ്റ്റ് ചെയ്തു.
ബക്കെയിലെ പോള്‍ റാറ്റര്‍ (53) ആണ് അറസ്റ്റിലായത്. പിക്കപ്പില്‍ കൊച്ചുമകളുമായി മരുഭൂമി ചുറ്റാനിറങ്ങിയ പോള്‍ റാറ്റര്‍ക്ക് യാത്രയ്ക്കിടെ മദ്യപിക്കണമെന്ന തോന്നലുണ്ടായപ്പോള്‍ വെടിയുണ്ട നിറച്ച തോക്ക് നല്‍കി കുഞ്ഞിനെ വഴിയിലിറക്കി വണ്ടിയുമായി മുങ്ങുകയായിരുന്നു.
മോഷ്ടാക്കള്‍ ആരെങ്കിലും വന്നാല്‍ മടിക്കാതെ തോക്കെടുത്ത് വെടിവച്ചോളാനുള്ള ഉപദേശവും നല്‍കിയാണ് മുത്തച്ഛന്‍ കടന്നത്. പുറത്തുപോയി ഏറെ നേരമായിട്ടും ഇരുവരെയും കുറിച്ച് വിവരം ലഭിക്കാതായതോടെ കുടുംബം പോലിസില്‍ പരാതി നല്‍കി. പോലിസ് തിരച്ചില്‍ നടത്തുന്നതിനിടെയാണ് കൈയില്‍ തോക്കുമായി കരഞ്ഞുനില്‍ക്കുന്ന കുട്ടിയെ കണ്ടെത്തിയത്. മദ്യപിച്ചു ബോധംപോയ റാറ്റര്‍ക്ക് ബോധം വന്നിട്ടും കുഞ്ഞിന്റെ ഓര്‍മയുണ്ടായില്ല. ബോധം വന്ന ഉടനെ ഭാര്യയെ വിളിച്ച് തന്നെ കൂട്ടിക്കൊണ്ടുപോവാനാണ് റാറ്റര്‍ ആവശ്യപ്പെട്ടത്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day