|    Nov 16 Fri, 2018 4:28 am
FLASH NEWS
Home   >  Todays Paper  >  Page 5  >  

നിര്‍മാതാവ് സജി നന്ത്യാട്ടിന് എതിരേ വനിതാ കമ്മീഷനില്‍ പരാതി

Published : 30th June 2017 | Posted By: fsq

 

തിരുവനന്തപുരം: ആക്രമിക്കപ്പെട്ട നടിക്കെതിരേ മോശം പരാമര്‍ശം നടത്തിയെന്നാരോപിച്ച് നിര്‍മാതാവ് സജി നന്ത്യാട്ടിനെതിരേ വനിതാ സിനിമ പ്രവര്‍ത്തകരുടെ കൂട്ടായ്മയായ വിമന്‍ ഇന്‍ കളക്ടീവ് വനിതാ കമ്മീഷനില്‍ പരാതി നല്‍കി. കഴിഞ്ഞ ദിവസം സ്വകാര്യ വാര്‍ത്താചാനലില്‍ നടന്ന ചര്‍ച്ചയില്‍ നടിക്ക് വെറും രണ്ടര മണിക്കൂര്‍ മാത്രമാണ് പീഡനം ഉണ്ടായതെന്നും ദിലീപിന് നാല് മാസമായി പീഡനമുണ്ടെന്നും സജി നന്ത്യാട്ട് പറഞ്ഞിരുന്നു. ഇത് വിവാദമായതിനു പിന്നാലെയാണ് വനിതാപ്രവര്‍ത്തകര്‍ വനിതാ കമ്മീഷന്‍ അധ്യക്ഷ എം സി ജോസഫൈന് രേഖാമൂലം പരാതി നല്‍കിയത്. കേരള ഫിലിം ചേംബറിന്റെ വൈസ് പ്രസിഡന്റ് കൂടിയായ സജി നന്ത്യാട്ട് നടത്തിയ പ്രസ്താവന അപകീര്‍ത്തികരവും അതിക്രമത്തെ അതിജീവിച്ച വ്യക്തിയെ അധിക്ഷേപിക്കുന്നതും അവരെ മാനസികമായി തകര്‍ക്കുന്നതുമാണ്. മാത്രമല്ല, ഇത്തരം അതിക്രമങ്ങള്‍ക്കിരയാവുന്ന എല്ലാ വ്യക്തികളെയും വീണ്ടും അപമാനിക്കുന്നതുകൂടിയാണ് പ്രസ്താവനയെന്നും പരാതിയില്‍ പറയുന്നു. അടിയന്തര നടപടികള്‍ ഉണ്ടാവണമെന്നും ഭാവിയില്‍ ഇത്തരത്തിലുള്ള പരാമര്‍ശങ്ങള്‍ തടയുന്നതിനുള്ള നടപടികള്‍ സ്വീകരിക്കണമെന്നും വനിതാ സിനിമാ പ്രവര്‍ത്തകര്‍ പരാതിയില്‍ ആവശ്യപ്പെട്ടു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss