|    Sep 20 Wed, 2017 11:10 am
FLASH NEWS

നിര്‍ത്തിയിട്ടിരുന്ന ലോറിക്ക് പിറകില്‍  മറ്റൊരു ലോറിയിടിച്ച് രണ്ട് പേര്‍ക്ക് പരിക്ക്

Published : 17th February 2016 | Posted By: SMR

ചാലക്കുടി: നിര്‍ത്തിയിട്ടിരിക്കുകയായിരുന്ന ലോറിക്ക് പുറകില്‍ മറ്റൊരു ലോറിയിടിച്ച് രണ്ട് പേര്‍ക്ക് പരിക്കേറ്റു. ദേശീയപാതയില്‍ ചാലക്കുടിപുഴ പാലത്തിന് സമീപം മുരിങ്ങൂര്‍ ഭാഗത്ത് ഇന്നലെ രാവിലെ 11ഓടെയായിരുന്നു അപകടം.
എറണാകുളം ഭാഗത്തേക്ക് പോവുകയായിരുന്ന ലോറി റോഡരികില്‍ നിര്‍ത്തിയിട്ടിരിക്കുകയായിരുന്നു. ഇതേ ഭാഗത്തേക്ക് വരികയായിരുന്ന മറ്റൊരു ലോറിയാണ് ഇതിന് പിന്നില്‍ ഇടിച്ചത്. ഇടിയുടെ അഘാതത്തില്‍ നിര്‍ത്തിയിട്ടിരിക്കുകയായിരുന്ന ലോറി അഞ്ചടിയോളം താഴ്ചയിലേക്ക് മറിഞ്ഞു. സമീപത്തെ വീടിന്റെ സംരക്ഷണ ഭിത്തിയില്‍ ഇടിച്ചാണ് നിന്നത്. എന്നാല്‍ ലോറിക്കകത്തുണ്ടായിരുന്ന ഡ്രൈവര്‍ എടത്തലക്കാരന്‍ സ്വദേശി അഭിലാഷ് അത്ഭുതകരമായി രക്ഷപ്പെട്ടു.
ഇടിച്ച ലേറിക്കകത്തുണ്ടായിരുന്ന ഡ്രൈവര്‍ രാജറാവ്(71), എസ്.വി.പ്രസാദ്(64)എന്നിവരെ പരിക്കുകളോടെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക