|    Jul 27 Thu, 2017 6:05 pm
FLASH NEWS

നിരവധി കേസുകളില്‍ പ്രതിയായ മുട്ടിഅജി പിടിയില്‍

Published : 3rd February 2016 | Posted By: SMR

വളപട്ടണം: വധശ്രമം ഉള്‍പ്പെടെ നിരവധി ക്രിമിനല്‍ കേസുകളില്‍ പ്രതിയായ പനങ്കാവ് സ്വദേശി മുട്ടി അജി എന്ന അജിത്ത്കുമാറി(42)നെ പോലിസ് അറസ്റ്റ് ചെയ്തു. വളപട്ടണം സിഐ കെ വി ബാബു, എസ്‌ഐ ശ്രീജിത്ത് കൊടേരി എന്നിവര്‍ ചേര്‍ന്നാണ് ഇയാളെ പിടികൂടിയത്. അജിത്ത് കുമാറിനെതിരേ 12 കേസുകള്‍ നിലവിലുണ്ട്.
2014 നവംബര്‍ 13ന് ചിറക്കല്‍ പണ്ണേരിമുക്കില്‍ കോണ്‍ഗ്രസ് പ്രവര്‍ത്തകന്‍ പ്രജീഷിന്റെ വീട്ടില്‍ അതിക്രമിച്ചു കയറി തലയില്‍ ചെത്തു കല്ലിട്ട് കൊല്ലാന്‍ ശ്രമിച്ചെന്ന കേസിലാണ് അറസ്റ്റ് ചെയ്തത്. നേരത്തെ പുതിയതെരു ഗീതാബസാറിന് സമീപത്തു വച്ച് മദ്യലഹരിയില്‍ ജീപ്പോടിച്ചു വന്ന അജി പ്രജീഷിന്റെ ദേഹത്ത് ഇടിക്കാന്‍ ശ്രമിച്ചിരുന്നു. ഇത് ചോദ്യം ചെയ്തതിനാണു പിറ്റേന്നു രാവിലെ വീട്ടിലെത്തി പ്രജീഷിനെ വധിക്കാന്‍ ശ്രമിച്ചത്. പുതിയതെരു ടൗണിലെ വ്യാപാരികളില്‍ നിന്നു മുമ്പ് ഗുണ്ടാപ്പണം കൈപ്പറ്റാറുണ്ടായിരുന്നുവെന്നും പരാതിയുയര്‍ന്നിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക