|    Nov 19 Mon, 2018 8:37 am
FLASH NEWS
Home   >  Kerala   >  

നിരപരാധിയായ യുവാവിനെ തീവ്രവാദിയായി ചിത്രീകരിക്കാന്‍ ശ്രമം എസ്എഫ്‌ഐ നേതാവിനെതിരേ എസ്പിക്ക് പരാതി

Published : 21st July 2018 | Posted By: sruthi srt

പത്തനംതിട്ട: നിരപരാധിയായ യുവാവിനെ തീവ്രവാദിയായി ചിത്രീകരിച്ച് പ്രചാരണം നടത്തിയ എസ്എഫ്‌ഐ നേതാവിനെതിരേ എസ്പിക്ക് പരാതി. കോട്ടമുകള്‍ സ്വദേശിയായ എസ്എഫ്‌ഐ അടൂര്‍ ഏരിയാ സെക്രട്ടറിയും ഡിവൈഎഫ്‌ഐ പറക്കോട് മേഖലാ ട്രഷററുമായ അഫ്‌സല്‍ ബദറിനെതിരേയാണ് പരാതി. പറക്കോട് റഫീഖ് മന്‍സിലില്‍ റഫീഖാണ് പരാതിക്കാരന്‍. സംഭവത്തേക്കുറിച്ച് അന്വേഷിച്ച് നടപടിയെടുക്കാന്‍ അടൂര്‍ ഡിവൈഎസ്പിയെ എസ്പി ചുമതലപ്പെടുത്തി.

കഴിഞ്ഞദിവസം അടൂരില്‍ ഷഫീഖ് എന്ന യുവാവിന്റെ വീട്ടില്‍ നിന്നും ആയുധങ്ങള്‍ പിടികൂടിയിരുന്നു. ഈ സംഭവത്തിന്റെ പേരിലാണ് ഇയാളുടെ സഹോദരനായ റഫീഖിനെതിരേ ഫേസ്ബുക്കിലൂടെയാണ് തീവ്രവാദി മുദ്രചാര്‍ത്തി പ്രചാരണം നടത്തിയത്. കുടുംബവുമായി മറ്റൊരു വീട്ടില്‍ താമസിക്കുന്ന റഫീക്കിനെതിരേ അടിസ്ഥാനരഹിതമായ ആരോപണങ്ങളാണ് ഉന്നയിക്കുന്നതെന്നും പരാതിയില്‍ പറയുന്നു. അഫ്‌സല്‍ പ്രചരിപ്പിച്ച ഫേസ്ബുക്ക് പോസ്റ്റിന്റെ സ്‌ക്രീന്‍ഷോട്ടുകളും പരാതിക്കൊപ്പം ഹാജരാക്കിയിട്ടുണ്ട്. അടൂരില്‍ വ്യാപാരസ്ഥാപനം നടത്തിവരുന്ന തനിക്കെതിരേ നടത്തിയ അപമാനകരമായ പരാമര്‍ശങ്ങള്‍ മാനഹാനി ഉണ്ടാക്കിയതായും കച്ചവടത്തെ ബാധിക്കുമെന്നും പരാതിയിലുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss