|    Sep 19 Wed, 2018 2:17 pm
FLASH NEWS

നിയന്ത്രണംവിട്ട ടാങ്കര്‍ ലോറി താഴ്ച്ചയിലേയ്ക്ക് മറിഞ്ഞു

Published : 6th September 2018 | Posted By: kasim kzm

ചവറ: ദേശീയപാതയില്‍ നിന്നും നിയന്ത്രണംവിട്ട ടാങ്കര്‍ ലോറി താഴ്ചയിലേക്ക് മറിഞ്ഞു. പന്മന പോരൂക്കര ബസ് സ്‌റ്റോപ്പിനു സമീപമായിരുന്നു അപകടം. ചൊവ്വാഴ്ച രാത്രി 11.50 ഓടെ തിരുവനന്തപുരത്ത് നിന്നും എറണാകുളത്തേയ്ക്ക് വരികയായിരുന്ന ടാങ്കര്‍ ലോറി സമീപത്തെ വൈദ്യുത തൂണുകള്‍ ഇടിച്ച് തെറിപ്പിച്ച ശേഷം താഴ്ചയിലേയ്ക്ക് മറിയുകയായിരുന്നു. ഓടിയെത്തിയവര്‍ ലോറി ഡ്രൈവറെ കാബിനുള്ളില്‍ നിന്നു പുറത്തെടുത്തു. വൈദ്യുത തൂണില്‍ ലോറി ഇടിച്ചതിനെ തുടര്‍ന്ന് റോഡിനു മറു ഭാഗത്തുണ്ടായിരുന്ന വൈദ്യുത തൂണ് ഒടിഞ്ഞ് സമീപത്തെ പെട്ടിക്കടയില്‍ പതിച്ചു. ഈ സമയം ഇവിടെ ഭക്ഷണം കഴിച്ചുക്കൊണ്ടിരുന്ന തേവലക്കര അരിനല്ലൂര്‍ സ്വദേശികളായ രണ്ട് പേര്‍ അത്ഭുതകരമായി രക്ഷപ്പെടുകയായിരുന്നു. സംഭവമറിഞ്ഞെത്തിയ ഫയര്‍ഫോഴ്‌സും പോലിസും മേല്‍ നടപടികള്‍ സ്വീകരിച്ചു. വൈദ്യുത തൂണ് ഒടിഞ്ഞു വീണു പെട്ടിക്കടയുടെ ഒരു ഭാഗവും ഫര്‍ണീച്ചറുകളും തകര്‍ന്നു. പോരൂക്കര പുരുഷോത്തമന്‍ ,ഫിലോമിന എന്നിവരുടെ ഉടമസ്ഥതയിലുള്ള കടയാണ് തകര്‍ന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss