|    Oct 16 Tue, 2018 5:16 am
FLASH NEWS
Home   >  Todays Paper  >  page 9  >  

നിബന്ധനകള്‍ യുഎസ് ലഘൂകരിക്കണം: മൂണ്‍ ജെ ഇന്‍

Published : 27th February 2018 | Posted By: kasim kzm

സോള്‍: ഉത്തര കൊറിയയുമായുള്ള ചര്‍ച്ചയ്ക്ക് യുഎസ് നിലപാട് മയപ്പെടുത്തണമെന്ന് ദക്ഷിണ കൊറിയന്‍ പ്രസിഡന്റ് മൂണ്‍ ജെ ഇന്‍. ആണവ നിരായുധീകരണത്തിന് ഉത്തര കൊറിയ സന്നദ്ധത കാണിക്കണമെന്നും അദ്ദേഹം ആവശ്യപ്പെട്ടു.
ഈയിടെയായി ഉത്തര കൊറിയ യുഎസുമായുള്ള ചര്‍ച്ചകളില്‍ സഹകരിക്കാന്‍ സന്നദ്ധത അറിയിച്ചിട്ടുണ്ട്.  യുഎസ് ചര്‍ച്ചകളുടെ പ്രാധാന്യത്തെക്കുറിച്ചു സംസാരിക്കുന്നുണ്ടെന്നും ചൈനീസ് വൈസ് പ്രസിഡന്റ് ലി യാന്‍ ദോജ്മായുള്ള സംഭാഷണത്തിനിടെ മൂണ്‍ പറഞ്ഞു. ശീതകാല ഒളിംപിക്‌സില്‍ രൂപപ്പെട്ട സൗഹാര്‍ദാന്തരീക്ഷം ഉത്തര കൊറിയയും യുഎസും തമ്മിലുള്ള ചര്‍ച്ചയ്ക്ക് പ്രയോജനപ്പെടുത്തണം-അദ്ദേഹം പറഞ്ഞു.
ചര്‍ച്ചയ്ക്കു തങ്ങള്‍ തയ്യാറാണെന്നും ഉത്തര കൊറിയയുടെ ആണവ നിരായുധീകരണമായിരിക്കണം അതിന്റെ പരിസമാപ്തിയെന്നും വൈറ്റ്ഹൗസ് പ്രതികരിച്ചു. യുഎസുമായി ചര്‍ച്ചയ്ക്ക് തയ്യാറാണെന്ന് ശീതകാല ഒളിംപിക്‌സിന്റെ സമാപന ചടങ്ങിനെത്തിയ ഉത്തര കൊറിയന്‍ പ്രതിനിധി സംഘം അറിയിച്ചിരുന്നു. ഉത്തര കൊറിയക്കു മേല്‍ യുഎസ് കടുത്ത ഉപരോധം പ്രഖ്യാപിച്ചതിനു പിന്നാലെയായിരുന്നു ഇത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss