|    Sep 26 Wed, 2018 4:02 pm
FLASH NEWS
Home   >  Kerala   >  

നിപ വൈറസ്: അംഗനവാടികള്‍ അടച്ചിടാന്‍ നിര്‍ദ്ദേശം

Published : 23rd May 2018 | Posted By: G.A.G

മലപ്പുറം : നിപ വൈറസ് ബാധിച്ച്  മൂന്ന് പേര്‍ മരിക്കാനിടയായ സാഹചര്യത്തില്‍ മുന്‍കരുതല്‍ എന്ന നിലയില്‍ അതീവ ജാഗ്രത പ്രഖ്യാപിത പഞ്ചായത്തുകളായ മൂര്‍ക്കനാട്, തെന്നല, മൂന്നിയൂര്‍, തേഞ്ഞിപ്പലം എന്നിവിടങ്ങളിലെ അംഗന്‍ വാടികള്‍ അടച്ചിടാന്‍ ആരോഗ്യവകുപ്പിന്റെ നിര്‍ദ്ദേശം. വൈറസ് ബാധയുടെ വ്യാപനം തടയാന്‍ ലക്ഷ്യമിട്ടാണ് തീരുമാനം.
അതേ സമയം മഞ്ചേരി മെഡിക്കല്‍ കേളേജില്‍ ചികിത്സയിലുള്ള ഒരാള്‍ക്ക് കൂടി രോഗം ബാധിച്ചതായി സംശയമുള്ളതായി ആരോഗ്യ വകുപ്പ് അറിയിച്ചു. മഞ്ചേരി മെഡിക്കല്‍ കേളേജില്‍ ഐസൊലേഷന്‍ വാര്‍ഡിന്റെ പ്രവര്‍ത്തനം ആരംഭിച്ചതോടൊപ്പം പ്രത്യേക ഐ.സി.യുവില്‍ ഏഴോളം ബെഡുകളും മാറ്റിവെച്ചിട്ടുണ്ട്.
കൂടാതെ ആവശ്യമെങ്കില്‍ സ്വകാര്യ ആശുപത്രികളെക്കൂടി ഉള്‍പ്പെടുത്തി സൗജന്യ നിരക്കില്‍ വെന്റിലേറ്റര്‍ സൗകര്യം ഒരുക്കാനും കലക്റ്ററുടെ നേതൃത്വത്തില്‍ തീരുമാനമായി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss