|    Jun 20 Wed, 2018 9:46 am
Home   >  Kerala   >  

നിപ്പ വൈറസിനെയും വിടാതെ ബിജെപി: വംശീയത കലര്‍ത്താന്‍ ശ്രമം

Published : 21st May 2018 | Posted By: sruthi srt

കോഴിക്കോട്: നിപ്പ വൈറസിനെയും വിടാതെ ബിജെപി. ബംഗ്ലാദേശില്‍ നിന്നുള്ള അനധികൃത കുടിയേറ്റം വൈറസ് ബാധയ്ക്ക് കാരണമായോയെന്ന് അന്വേഷിക്കണമെന്നാണ് ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്റെ മാധ്യമ സെക്രട്ടറിയും ബിജെപിയുടെ ഐടി സെല്‍ മേധാവിയുമായ ആര്‍ സന്ദീപ് രംഗത്തെത്തിയത്. ഇയാളുടെ ഫെയ്‌സ്ബുക്ക് പോസ്റ്റിലാണ് വംശീയ അധിഷേപം കലര്‍ന്ന ഈ കുറിപ്പുള്ളത്. മുന്‍ മാധ്യമപ്രവര്‍ത്തകന്‍ കൂടിയാണ് സന്ദീപ്.

ബംഗ്ലാദേശില്‍ വൈറസ് ബാധമുലം 2004ല്‍ നൂറ്റമ്പതോളം പേര്‍ മരിച്ചെന്ന റിപോര്‍ട്ടുകളാണ് സന്ദീപിന്റെ പോസ്റ്റിനു പിന്നിലെന്നാണ് ഇയാളെ ന്യായികരിക്കുന്നവരുടെ വാദം. എന്നാല്‍ നിപ വൈറസ് ആദ്യം സ്ഥിരീകരിച്ചത് മലേഷ്യയിലാണ്. ബംഗ്ലാദേശിലും രോഗം ഉണ്ടായിട്ടുണ്ട്.
അതേസമയം സന്ദീപിന്റെ വംശീയ പരാമര്‍ശത്തിനെതിരെ വ്യാപകമായ പ്രതിഷേധമാണ് സോഷ്യല്‍ മീഡിയയില്‍ അരങ്ങേറുന്നത്, വിഷയത്തില്‍ മാപ്പു പറയണമെന്നും പോലിസ് കേസ് എടുക്കാന്‍ തയ്യാറാവണമെന്നും പ്രമുഖ നവ മാധ്യമ പ്രവര്‍ത്തകരുടെ കൂട്ടായ്മ ആവശ്യപ്പെട്ടു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss