|    Dec 10 Mon, 2018 6:28 pm
FLASH NEWS
Home   >  Todays Paper  >  Page 5  >  

നിപാ മരണങ്ങള്‍ക്കിടയില്‍ പ്രതീക്ഷയായി നഴ്‌സിങ് വിദ്യാര്‍ഥിനിയുടെ അതിജീവനം

Published : 2nd June 2018 | Posted By: kasim kzm

കോഴിക്കോട്: നിപാ വൈറസ് ബാധിച്ച് ചികില്‍സയില്‍ കഴിയുന്ന നഴ്‌സിങ് വിദ്യാര്‍ഥിനിക്കു രോഗം പൂര്‍ണമായി മാറിയതായി റിപോര്‍ട്ടുകള്‍. നിപാ മരണനിരക്ക് ഉയര്‍ത്തുന്ന ആശങ്കകള്‍ക്കിടയിലാണ് വൈറസ് സ്ഥിരീകരിച്ച വിദ്യാര്‍ഥിനി രോഗത്തെ തരണം ചെയ്തുവെന്ന വിവരം ആശുപത്രി അധികൃതര്‍ പുറത്തുവിട്ടിരിക്കുന്നത്.
വിദ്യാര്‍ഥിനിയുടെ സാംപിള്‍ പരിശോധനയില്‍ നെഗറ്റീവായാണ് റിപോര്‍ട്ട് ലഭിച്ചിരിക്കുന്നത്.
മെഡിക്കല്‍ കോളജിലെ നെഞ്ചുരോഗാശുപത്രിയിലായിരുന്ന വിദ്യാര്‍ഥിനിയെ ഐസോലേഷന്‍ വാര്‍ഡിലേക്ക് മാറ്റിയിരിക്കുകയാണ്.
രോഗം മാറിയെങ്കിലും നിരീക്ഷണത്തിനു വേണ്ടിയാണ് വാര്‍ഡിലേക്ക് മാറ്റിയതെന്ന് അധികൃതര്‍ അറിയിച്ചു.
സംസ്ഥാനത്തു നിപാ സ്ഥിരീകരിച്ചതിനു ശേഷം ഇതാദ്യമായാണ് വൈറസ് സ്ഥിരീകരിച്ച ഒരാള്‍ക്ക് രോഗം ബേധമാവുന്നത്.
നേരത്തെ സുഖംപ്രാപിച്ചുവന്നവരും മരണപ്പെട്ടിരുന്നു. വ്യാഴാഴ്ച ഉള്‍പ്പെടെ നിലവില്‍ നിപാ ബാധിച്ച് 17 പേരാണ് മരിച്ചത്. നഴ്—സിങ് വിദ്യാര്‍ഥിനിയും മറ്റൊരാളുമാണ് ചികില്‍സയിലുണ്ടായിരുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss