|    Mar 24 Fri, 2017 3:48 am
FLASH NEWS

നികുതി അടച്ചില്ലെന്നാരോപിച്ച് കോഴിലോഡ് പിടികൂടി; ചത്ത കോഴികളുമായി ഉടമ പോലിസ് സ്‌റ്റേഷനില്‍

Published : 10th November 2015 | Posted By: SMR

ചൊക്ലി: നികുതിയടക്കാതെ ഇറച്ചിക്കോഴികളെ കടത്തുകയായിരുന്ന ലോറി ന്യൂ മാഹി പോലിസ് പിടികൂടി. ഇതേത്തുടര്‍ന്ന് വാഹനം കസ്റ്റഡിയിലെടുക്കുകയും പാറാല്‍ സെയില്‍സ് ടാക്‌സ് ഓഫിസില്‍ നികുതി അടപ്പിക്കുകയും ചെയ്തു. എന്നാല്‍ വാഹനം വിട്ടുകിട്ടാന്‍ വൈകിയതിനാല്‍ വെയിലേറ്റ് എട്ടു പെട്ടികളിലുണ്ടായ ഇരുനൂറോളം കോഴികള്‍ ചത്തു.
കര്‍ഷകതിലകം അവാര്‍ഡ് ജേതാവ് സൗദ മത്തിപ്പറമ്പിന്റെ ഫാമില്‍നിന്നുള്ള കോഴിലോഡാണ് പോലിസ് പിടിച്ചെടുത്തത്. ചത്ത കോഴികളുമായി സ്‌റ്റേഷനിലെത്തിയ സൗദ, ഓണ്‍ലൈന്‍ വഴിയാണ് നികുതി അടയ്ക്കുന്നതെന്നും ചത്ത കോഴികള്‍ക്ക് നഷ്ടപരിഹാരം വേണമെന്നും ആവശ്യപ്പെട്ടു.
തലശ്ശേരി സിഐ വിശ്വംഭരന്‍ സ്ഥലത്തെത്തി വിവരങ്ങള്‍ തിരക്കി. സംഭവവുമായി ബന്ധപ്പെട്ട് പരാതി നല്‍കാന്‍ ആവശ്യപ്പെട്ടു.

(Visited 57 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക