|    Nov 18 Sun, 2018 3:48 am
FLASH NEWS
Home   >  Todays Paper  >  Page 1  >  

നികുതിവെട്ടിപ്പ്; നൂറിലേറെ സ്ഥലങ്ങളില്‍ റെയ്ഡ്

Published : 26th October 2018 | Posted By: kasim kzm

ചെന്നൈ: ഖനന-ധാതു കയറ്റുമതി കമ്പനികള്‍ക്കെതിരായ നികുതിവെട്ടിപ്പിന്റെ അന്വേഷണവുമായി ബന്ധപ്പെട്ട് ആദായനികുതി വകുപ്പ് തമിഴ്‌നാട്ടിലും ആന്ധ്രപ്രദേശിലുമായി നൂറിലേറെ സ്ഥലങ്ങളില്‍ റെയ്ഡ് നടത്തി. തമിഴ്‌നാട്ടില്‍ ചെന്നൈ, കോയമ്പത്തൂര്‍, തിരുനെല്‍വേലി, തൂത്തുക്കുടി, കാരയ്ക്കല്‍ എന്നിവിടങ്ങളിലും ആന്ധ്രപ്രദേശില്‍ വിശാഖപട്ടണം, ശ്രീകാകുളം എന്നിവിടങ്ങളിലുമാണ് പരിശോധന നടന്നത്. പോലിസിന്റെ സഹായത്തോടെ 130ലേറെ ആദായനികുതി ഉദ്യോഗസ്ഥരാണ് പരിശോധനയില്‍ ഉണ്ടായിരുന്നത്. ഖനനം, സംസ്‌കരണം, കടല്‍ത്തീരമണല്‍ ധാതുക്കളുടെ അനധികൃത കയറ്റുമതി എന്നിവയുമായി ബന്ധപ്പെട്ട് പ്രവര്‍ത്തിക്കുന്ന കമ്പനികളിലാണ് തിരച്ചില്‍ നടത്തിയതെന്ന് അധികൃതര്‍ പറഞ്ഞു. നികുതി വെട്ടിച്ചു നേടിയ പണം കമ്പനികള്‍ മറ്റ് വ്യാപാരങ്ങളില്‍ മുടക്കിയെന്നും അവര്‍ പറഞ്ഞു. നികുതിനിയമങ്ങള്‍ ലംഘിച്ചുകൊണ്ട് ഈ കമ്പനികള്‍ വിദേശത്തു നടത്തിയ ഇടപാടുകളും നിരീക്ഷിച്ചുവരുകയാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss