|    Jun 23 Fri, 2017 5:42 pm
FLASH NEWS
Home   >  Todays Paper  >  page 11  >  

നാലാം ജയം മോഹിച്ച് ഇന്ത്യ ഇന്നു യുഎഇക്കെതിരേ

Published : 3rd March 2016 | Posted By: SMR

ധക്ക: ഏഷ്യാ കപ്പില്‍ തുടര്‍ച്ചയായാ നാലാം ജയം മോഹിച്ച് ഇന്ത്യ ഇന്ന് യുഎഇയുമായി ഏറ്റുമുട്ടും. പ്രാഥമികറൗണ്ടില്‍ ഇന്ത്യയുടെ അവസാന മല്‍സരം കൂടിയാണിത്. ആദ്യ മൂന്നു കളികളിലും ജയിച്ച് ഇന്ത്യ നേരത്തേ തന്നെ ഫൈനലിലേക്ക് ടിക്കറ്റെടുത്തിരുന്നു.
ഇന്നു ജയിച്ച് ഫൈനലിനുള്ള തയ്യാറെടുപ്പ് മികച്ചതാക്കാനൊരുങ്ങുകയാണ് ഇന്ത്യ. മല്‍സരഫലം അപ്രസക്തമായതിനാല്‍ ഇന്ത്യ ടീമില്‍ ഇന്ന് ചില പരീക്ഷണങ്ങള്‍ നടത്താനിടയുണ്ട്. ഇതുവരെ കളിക്കാന്‍ അവസരം ലഭിക്കാതിരുന്ന ഹര്‍ഭജന്‍ സിങ്, പവന്‍ നേഗി, പാര്‍ഥിവ് പട്ടേല്‍, ഭുവനേശ്വര്‍ കുമാര്‍ എന്നിവര്‍ക്ക് ഇന്ത്യ അവസരം നല്‍കിയേക്കും.
ഇവരില്‍ ഭുവനേശ്വറിനൊഴികെ മറ്റു മൂന്നു പേര്‍ക്കും ടീമില്‍ ഇടം ലഭിച്ചേക്കുമെന്നാണ് സൂചന. ഒരു മല്‍സരത്തില്‍ മാത്രം കളിച്ച അജിന്‍ക്യ രഹാനെയെയും തിരിച്ചുവിളിച്ചേക്കും.
അതേസമയം, കളിച്ച മൂന്നു മല്‍സരങ്ങളിലും തോറ്റ് ടൂര്‍ണമെ ന്റില്‍ നിന്നു പുറത്തായ യുഎഇ മികച്ച പ്രകടനം നടത്തി വിടവാങ്ങാമെന്ന പ്രതീക്ഷയിലാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക