|    May 23 Tue, 2017 10:24 pm
FLASH NEWS

നാലാം ജയം തേടി ഗുജറാത്ത് സണ്‍റൈസേഴ്‌സിനെതിരേ

Published : 21st April 2016 | Posted By: SMR

രാജ്‌കോട്ട്: ഐപിഎല്ലില്‍ ഇന്ന് നടക്കുന്ന ഏക മല്‍സരത്തില്‍ പുതുമുഖ ടീമായ ഗുജറാത്ത് ലയണ്‍സ് സണ്‍റൈസേഴ്‌സ് ഹൈദരാബാദിനെ എതിരിടും. തുടര്‍ച്ചയായ നാലാം ജയം ലക്ഷ്യമിട്ടാണ് സുരേഷ് റെയ്‌നയുടെ കീഴില്‍ ഗുജറാത്ത് കളത്തിലിറങ്ങുന്നത്.
കളിച്ച മൂന്നു മല്‍സരങ്ങളിലും വെന്നിക്കൊടി നാട്ടിയ സിംഹക്കൂട്ടം പോയിന്റ് പട്ടികയില്‍ രണ്ടാം സ്ഥാനത്താണ്. ഇത്രയും പോയിന്റുമായി കൊല്‍ക്കത്ത നൈറ്റ്‌റൈഡേഴ്‌സാണ് പട്ടികയില്‍ തലപ്പത്ത്. ഗുജറാത്തിനേക്കാള്‍ ഒരു മല്‍സരം കൂടുതല്‍ കളിച്ച കൊല്‍ക്കത്തയ്ക്ക് നെറ്റ്‌റണ്‍റൈറ്റിന്റെ പിന്‍ബലത്തിലാണ് ഒന്നാംസ്ഥാനത്തെത്തിയത്.
അതേസമയം, നിലവിലെ ചാംപ്യന്‍മാരായ മുംബൈ ഇന്ത്യന്‍സിനെ തോല്‍പ്പിച്ചതിനു ശേഷമാണ് ഡേവിഡ് വാര്‍ണറുടെ കീഴില്‍ സണ്‍റൈസേഴ്‌സ് രാജ്‌കോട്ടിലെത്തുന്നത്.
കളിച്ച മൂന്നു മല്‍സരങ്ങളില്‍ ഒന്നില്‍ മാത്രമാണ് സണ്‍റൈസേഴ്‌സിന് ജയിക്കാനായത്. പോയിന്റ് പട്ടികയില്‍ ആറാം സ്ഥാനത്താണ് സണ്‍റൈസേഴ്‌സ്. മികച്ച ഫോമില്‍ കളിക്കുന്ന ഗുജറാത്തിനെ പിടിച്ചുക്കെട്ടുകയെന്നത് സണ്‍റൈസേഴ്‌സിന് കടുത്ത വെല്ലുവിളിയായിരിക്കും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day