|    May 28 Mon, 2018 4:43 am
FLASH NEWS
Home   >  Kerala   >  

‘നാലകത്ത്’ ബസ്സുകാര്‍ അറിയുന്നുണ്ടോ ഇതെല്ലാം?

Published : 4th June 2017 | Posted By: shins


ബസ്സുകളുടെ അമിതവേഗതയ്‌ക്കെതിരേ നടന്‍ ജയസൂര്യ രംഗത്ത്. കോഴിക്കോട്-കാക്കഞ്ചേരി റൂട്ടില്‍ സഞ്ചരിക്കവേ കണ്‍മുമ്പില്‍ കണ്ട കാഴ്ച ഫേസ്ബുക്കില്‍ പോസ്റ്റ് ചെയ്തുകൊണ്ടാണ് ജയസൂര്യ പ്രതിഷേധമറിയിച്ചത്. അമിതവേഗതയില്‍ തങ്ങളെ ഓവര്‍ടേക്ക് ചെയ്ത നാലകത്ത് എന്ന ബസ്സ് എതിരേവന്ന കാറുമായി കൂട്ടിയിടിക്കാതെ കഷ്ടിച്ചാണ് രക്ഷപ്പെട്ടതെന്നും ആ സമയം കാറിലെ യാത്രക്കാരുടെ നിലവിളി ഭയാനകമായിരുന്നെന്നും ജയസൂര്യ ഫേസ്ബുക്കില്‍ കുറിച്ചു.

പോസ്റ്റിന്റെ പൂര്‍ണരൂപം

ഇപ്പോ കണ്ട കാഴ്ച…. (കാലിക്കറ്റ് … കാക്കഞ്ചേരി)
ഷൂട്ടിംങ്ങ് കഴിഞ്ഞ് തിരിച്ച് പോകായിരുന്നു ഒരു ടേണിങ്ങില്‍ വെച്ച് ഒടുക്കത്തെ സ്പീഡില്‍ ഈ ബസ്സ് ഞങ്ങളെ ഓവര്‍ ടേക്ക് ചെയ്തതാ… ദാ. മുന്നിലൂടെ വന്ന കാര്‍, കുടുംബമായിട്ട് അങ്ങനെത്തന്നെ ഈ ബസ്സിന്റെ അടിയില്‍ പോകണ്ടതായിരുന്നു …… ഒരു മുടിനാരിഴയക്കാണ് ആ കുടുബം രക്ഷപ്പെട്ടത്… ആ കാറീന്നുള്ള കൂട്ട നിലവിളി ഇപ്പോളും എന്റെ ചെവീലുണ്ട്.. എന്റെ ചേട്ടന്‍മാരെ നിങ്ങളും ജീവിയ്ക്കാന്‍ വേണ്ടി ആയിരിക്കും ഓടുന്നത് പക്ഷേ അത് മറ്റൊരാളുടെ ജീവന്‍ എടുത്തിട്ടാവരുത്….

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss