|    Feb 23 Fri, 2018 8:04 pm
FLASH NEWS

നായാട്ടുസംഘത്തിന് തോക്ക് നല്‍കിയ യുവാവ് പിടിയില്‍

Published : 21st December 2017 | Posted By: kasim kzm

എടക്കര: വനംവകുപ്പ് സ്ഥാപിച്ച കാമറകള്‍ മോഷ്ടിച്ച നായാട്ടുസംഘത്തിനു തോക്ക് നല്‍കിയ യുവാവ് പോലിസ് പിടിയില്‍. മരുത വെണ്ടേക്കുംപൊട്ടി മംഗലത്ത് ജോഷി(28) യാണു രക്ഷപ്പെടാന്‍ ശ്രമിക്കുന്നതിനിടയില്‍ പോലിസിന്റെ പിടിയിലായത്. മരുത മണ്ണുച്ചീനിയില്‍ കടുവ സെന്‍സസ് എടുക്കുന്നതിന്റെ ഭാഗമായി വനംവകുപ്പ് സ്ഥാപിച്ച കാമറ മോഷ്ടിച്ച കേസില്‍ ആറു പേരും നാടന്‍ തോക്ക് എത്തിച്ച മുണ്ട സ്വദേശിയും കഴിഞ്ഞ ദിസം അറസ്റ്റിലായിരുന്നു. വിദേശത്തായിരുന്ന തണ്ടുപാറ ബാവ എന്നയാള്‍ക്ക് തോരപ്പ റിയാസ് മുഖേനയാണു ജോഷി തോക്ക് വിറ്റത്. ഇരുപത്തിയെട്ടായിരം രൂപയ്ക്കായിരുന്നു വില്‍പ്പന. ബാവ വീണ്ടും വിദേശത്തേക്ക് പോയപ്പോള്‍ മുണ്ടയിലെ ചിത്രംപള്ളി ഷാജഹാനെ തോക്ക് സൂക്ഷിക്കാന്‍ ഏല്‍പ്പിച്ചു. ഷാജഹാനില്‍ നിന്നു തോക്ക് വാങ്ങി കൈവശം വയ്ക്കാന്‍ ബാവ റിയാസിനോട് പറഞ്ഞിരുന്നു. എന്നാല്‍,  കാമറ കേസ് അനേ്വഷണം നടക്കുന്നതിനാലാണു റിയാസ് തോക്ക് ഷാജഹാനില്‍ നിന്നു വാങ്ങാതിരുന്നത്. കേസില്‍ ഏഴുപേര്‍ അറസ്റ്റിലായതോടെ വിദേശത്തേയ്ക്കു കടക്കാന്‍ യ്യാറെടുക്കുന്നതിനിടയിലാണ് ജോഷി അറസ്റ്റിലായത്. നിലമ്പൂര്‍ കോടതിയില്‍ ഹാജരാക്കിയ ജോഷിയെ റിമാന്‍ഡ് ചെയ്തു. നിലമ്പൂര്‍ സിഐ പി കെ അബ്ദുല്‍ ബഷീര്‍, വഴിക്കടവ് എസ്‌ഐ എം അഭിലാഷ്, എഎസ്മാരായ അജയന്‍, ം അസൈനാര്‍, ിപിഒമാരായ എന്‍ പി സുനില്‍, ടി ബിനോബ്, കെ ജാബിര്‍, പി സി വിനോദ് എന്നിവരടങ്ങിയ സംഘമാണ് ജോഷിയെ അറസ്റ്റ് ചെയ്തത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss