|    Jan 19 Thu, 2017 4:16 pm
FLASH NEWS

നാമനിര്‍ദേശ പത്രികകള്‍ തള്ളണമെന്ന് ആവശ്യം

Published : 3rd May 2016 | Posted By: SMR

കൊച്ചി: പിറവം നിയോജകമണ്ഡലം സ്ഥാനാര്‍ഥികളായ അനൂപ് ജേക്കബിന്റെയും എം ജെ ജേക്കബിന്റെയും നാമനിര്‍ദേശ പത്രികകള്‍ തള്ളണമെന്ന് ആവശ്യപ്പെട്ട് പീപ്പിള്‍സ് ഗ്രീന്‍ പാര്‍ട്ടി പ്രസിഡന്റ് സുരേഷ് ജോര്‍ജ് തിരഞ്ഞെടുപ്പ് കമ്മീഷനും മുഖ്യ വരണാധികാരിക്കും പരാതി നല്‍കി. മണിമലക്കുന്ന് ദി റൂറല്‍ എജ്യൂക്കേഷന്‍ സൊസൈറ്റിയുടെ ഭാരവാഹികള്‍ എന്ന നിലയില്‍ ഇരുവരും രജിസ്‌ട്രേഷന്‍ വകുപ്പിനു നല്‍കേണ്ട 16,000 രൂപയും റവന്യൂ വകുപ്പിനു നല്‍കേണ്ട 60 രൂപയും കുടിശ്ശിക വരുത്തിയത് നാമനിര്‍ദേശ പത്രികയോടൊപ്പം സമര്‍പ്പിച്ച സത്യവാങ്മൂലത്തില്‍ മറച്ചുവച്ചു എന്നാണു പരാതി.
ഇടതു-വലത് രാഷ്ട്രീയ നേതാക്കള്‍ നടത്തുന്ന നഗ്നമായ നിയമലംഘനവും കെടുകാര്യസ്ഥതയും അധികാര കേന്ദ്രങ്ങളെയും നിയമവാഴ്ചയെയും വെല്ലുവിളിക്കുകയാണെന്നും അതിനാല്‍ ഇവരുടെ നാമനിര്‍ദേശ പത്രികകള്‍ തള്ളണമെന്നും പരിസ്ഥിതി പ്രവര്‍ത്തകരായ വര്‍ഗീസ് പുല്ലുവഴി, ജോണ്‍ പെരുവന്താനം എന്നിവര്‍ ആവശ്യപ്പെട്ടു.

Share on FacebookShare on Google+Tweet about this on TwitterShare on LinkedIn
(Visited 36 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക