|    Oct 19 Fri, 2018 3:35 am
FLASH NEWS

നാദാപുരം പഞ്ചായത്ത് മെംബറുടെ വീടിനുസമീപം ബോംബ് സ്‌ഫോടനം

Published : 20th September 2018 | Posted By: kasim kzm

നാദാപുരം: നാദാപുരം ഗ്രാമ പ്പഞ്ചായത്ത് എട്ടാം വാര്‍ഡ് മെമ്പറുടെ വീടിനു സമീപം ബോംബ് സ്‌ഫോടനം. റോഡില്‍ ബോംബ് സ്‌ഫോടനം നടന്ന സ്ഥലത്ത് കുഴി രൂപപ്പെട്ടിട്ടുണ്ട്. ചൊവ്വാഴ്ച രാത്രി പന്ത്രണ്ടര മണിയോടെയാണ് ഉഗ്രശബ്ദത്തോടെ സ്‌ഫോടനം നടന്നത്. സ്റ്റീല്‍ ബോംബ്— ഉപയോഗിച്ചാണ് സ്‌ഫോടനം നടത്തിയത്. എട്ടാം വാര്‍ഡ് പൗര്‍ണമി വായനശാലക്ക് സമീപത്തെ പൗര്‍ണമി സ്വയം സഹായ സംഘത്തിന്റെ കടക്കുനേരെ കഴിഞ്ഞ ദിവസം അക്രമം നടന്നിരുന്നു.
അന്ന് കടയുടെ പുറത്തുള്ള ഫര്‍ണീച്ചറുകളും കടയുടെ പൂട്ടും കേട് വരുത്തിയിരുന്നു. അതിന് പിന്നാലെയാണ് വാര്‍ഡ് മെമ്പറും സി പി എം പ്രവര്‍ത്തകയുമായ മോളിപറമ്പത്തിന്റെ വീടിന് സമീപം റോഡില്‍ സ്‌ഫോടനം നടന്നത്.പൊലിസ് സ്ഥലത്തെത്തി പരിശോധന നടത്തി.ചേലക്കാട് പൗര്‍ണ്ണമി ഭാഗത്ത് പിസി മുക്കില്‍ കഴിഞ്ഞ ദിവസം അര്‍ധരാത്രിയില്‍ പൊതുനിരത്തില്‍ ബോംബ് എറിഞ്ഞ് ജനങ്ങളെ പരിഭ്രാന്തിയിലാക്കിയ സംഭവം പോലിസ് അതീവ ജാഗ്രതയോടെ കൈകാര്യം ചെയ്യണമെന്നു യുഡിഎഫ് നാദാപുരം പഞ്ചായത്ത് കമ്മിറ്റി ചെയര്‍മാന്‍ എം പി സൂപ്പി, കണ്‍വീനര്‍ അഡ്വ.കെ.എം രഘുനാഥ് എന്നിവര്‍ ആവശ്യപ്പെട്ടു. സമാധാന അന്തരീക്ഷം നിലനില്‍ക്കുന്ന ഈ പ്രദേശത്ത് ചില അസ്വസ്ഥതകള്‍ക്കായി ബോധപൂര്‍വ്വമായ ശ്രമം നടത്തി വരുന്ന സൂചനകളുണ്ട്.
ഇത് വളരെ ഗൗരവമായ് പോലിസ് കൈകാര്യം ചെയ്യണമെന്നും യുഡിഎഫ് ആവശ്യപ്പെട്ടു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss