|    Aug 14 Tue, 2018 11:07 pm
FLASH NEWS

നാട്ടുകാര്‍ പരാതി നല്‍കിയിട്ടും മുറിച്ചു മാറ്റാത്ത മരം കടപുഴകിവീണു

Published : 15th June 2018 | Posted By: kasim kzm

എടപ്പാള്‍: വര്‍ഷങ്ങളായി പാതയോരത്ത് അപകട ഭീഷണിയുയര്‍ത്തി നിന്നിരുന്ന വന്‍ മരം പാതിരാത്രിയില്‍ കടപുഴകി വീണു. മരം വീണത് രാത്രിയായതിനാല്‍ വന്‍ ദുരന്തം ഒഴിവായി. ബുധനാഴ്ച രാത്രി 12 മണിയോടെ കണ്ടനകം-ആനക്കര റോഡില്‍ ചേകനൂരില്‍ നിന്നിരുന്ന മരമാണ് ശക്തമായ കാറ്റിലും മഴയിലും നിലം പൊത്തിയത്. പൊന്നാനിയില്‍ നിന്നും കുന്നംകുളത്ത് നിന്നുമെത്തിയ അഗ്നിശമന സേനയും നാട്ടുകാരും ചേര്‍ന്ന് മണിക്കൂറുകളോളം പ്രയത്‌നിച്ചാണ് റോഡിന് കുറുകെ വീണ മരം മുറിച്ചു മാറ്റി ഗതാഗതം പുനസ്ഥാപിച്ചത്. മരം വീണ് വൈദ്യുതി ലൈനും രണ്ട് വൈദ്യുതി തൂണുകളും തകര്‍ന്നു. അപകടാവസ്ഥയിലായ ഈ മരം മുറിച്ചു മാറ്റണമെന്നാവശ്യപ്പെട്ട് ഒട്ടേറെ തവണ നാട്ടുകാരും പരിസരവാസികളും വട്ടംകുളം ഗ്രാമപഞ്ചായത്തിനും റവന്യൂ ഉദ്യോഗസ്ഥര്‍ക്കും പരാതി നല്‍കിയിരുന്നതാണെന്നും എന്നാല്‍ അധികൃതര്‍ തികഞ്ഞ അലംഭാവമാണ് കാണിച്ചതെന്നും നാട്ടുകാര്‍ പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss