|    Oct 21 Sun, 2018 12:53 am
FLASH NEWS
Home   >  Kerala   >  

നാടുകാണിയിലെ ജാറം തകര്‍ത്ത് വാഴയും തെങ്ങും നട്ടു

Published : 30th September 2017 | Posted By: shadina sdna


എടക്കര: വഴിക്കടവ് നാടുകാണിച്ചുരത്തിലെ ജാറം വീണ്ടും തകര്‍ത്ത് തെങ്ങും വാഴയും നട്ടു.  അന്തര്‍ സംസ്ഥാന പതയോട് ചേര്‍ന്ന ഫഖീര്‍ മുഹമ്മദ് സാലിഹിന്റേതെന്ന് പറയപ്പെടുന്ന ജാറമാണ് വെള്ളിയാഴ്ച വീണ്ടും തകര്‍ക്കപ്പെട്ടത്. തകര്‍ന്ന ജാറത്തിന് ചുറ്റും മുളക്‌പൊടി വിതറിയാണ് തെങ്ങും വാഴയും നട്ടത്. പരിസരത്ത്  കെട്ടിത്തൂക്കിയ കുപ്പിയില്‍ നിന്നും ഒരു കുറിപ്പും പോലിസ് കണ്ടെടുത്തു. ‘പ്രിയപ്പെട്ട ആനമറി നിവാസികളേ ഞാന്‍ അറബിക്കടലിലേക്ക് പോവുകയാണ്’ എന്നാണ് കുറിപ്പിലെഴുതിയിരിക്കുന്നത്.  നേര്‍ച്ചപ്പെട്ടിക്ക് കേട്പാട് വരുത്തിയിട്ടില്ല. ഒരു മാസത്തിനിടെ മൂന്നാം തവണയാണ് ചുരത്തിലെ ജാറം തകര്‍ക്കപ്പെടുന്നത്. സെപ്റ്റംബര്‍ ആറിനും, പത്തൊന്‍പതിനും ജാറത്തിന് നേരെ അക്രമം നടന്നിരുന്നു. 2009-ഏപ്രില്‍ പത്തൊന്‍പതിനും ഇതേ രീതിയില്‍ ജാറം തകര്‍ത്തിരുന്നു. അന്ന് വണ്ടൂര്‍ സ്വദേശികളായ നാല് പേര്‍ പോലിസ് പിടിയിലായിരുന്നു. പെരിന്തല്‍മണ്ണ ഡിവൈഎസ്പി എം പി മോഹനചന്ദ്രന്‍, സ്‌പെഷല്‍ ബ്രാഞ്ച് ഡിവൈഎസ്പി ഉല്ലാസ്‌കുമാര്‍, എടക്കര സിഐ അബദുള്‍ ബഷീര്‍, വഴിക്കടവ് എസ്‌ഐ എം അഭിലാഷ് എന്നിവരും, മലപ്പുറത്ത് നിന്നുള്ള ഡോഗ് സ്‌ക്വാഡ്, വിരലടയാള വിദഗ്ധര്‍ എന്നിവര്‍ സ്ഥലം സന്ദര്‍ശിച്ച് പരിശോധന നടത്തി.  സയന്റിഫിക് പരിശോധനക്കായി  ഉദേ്യാഗസ്ഥര്‍ ഇന്ന്  എത്തും.  അതുവരെ ജാറത്തിന് കാവല്‍ ഏര്‍പ്പെടുത്തി.  വഴിക്കടവ് സ്റ്റേഷനിലെ എഎസ്‌ഐയുടെ നേതൃത്വത്തില്‍ പോലിസും, തണ്ടര്‍ബോള്‍ട്ടുമാണ് കാവല്‍ നില്‍ക്കുന്നത്.  പോലിസ് അനേ്വഷണം ഊര്‍ജിതമാക്കി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss