|    Mar 23 Thu, 2017 4:08 pm
FLASH NEWS

നാടുകാണിച്ചുരത്തില്‍ മരംവീണ് ഗതാഗതം തടസ്സപ്പെട്ടു

Published : 2nd April 2016 | Posted By: SMR

എടക്കര: അന്തര്‍സംസ്ഥാന പാതയായ നാടുകാണിച്ചുരത്തില്‍ മരം വീണ് ഒന്നര മണിക്കൂര്‍ ഗതാഗതം തടസ്സപ്പെട്ടു. ഗൂഢല്ലൂരില്‍ നിന്നു കേരളത്തിലേക്ക് രോഗികളുമായെത്തിയ രണ്ട് ആംബുലന്‍സുകള്‍ ബ്ലോക്കില്‍ കുടുങ്ങി. ഇന്നലെ വൈകീട്ട് നാലരയോടെയാണ് തേന്‍പാറക്ക് താഴെയായി വന്‍ മരം പൊട്ടി റോഡിലേക്ക് പതിച്ചത്. യാത്രക്കാര്‍ ഉടന്‍തന്നെ നിലമ്പൂരിലെ അഗ്നിശമന സേനാ യൂനിറ്റില്‍ വിവരമറിയിച്ചെങ്കിലും എത്തിയില്ല. പിന്നീട് സ്ഥലത്തെത്തിയ വനംവകുപ്പ് ഉദേ്യാഗസ്ഥര്‍ ചുരത്തില്‍ റോഡ് പണി നടക്കുന്നിടത്ത് നിന്നു എക്‌സ്‌കവേറ്റര്‍ കൊണ്ടുവന്ന് മരം നീക്കുകയായിരുന്നു. നിരവധി വാഹനങ്ങളും യാത്രക്കാരും ഒന്നര മണിക്കൂറോളം ചുരത്തില്‍ കുടുങ്ങി. ഇതിനിടെയാണ് രോഗികളുമയി ആംബുലന്‍സുകളും എത്തിയത്. ആറ് മണിയോടെയാണ് ഗതാഗതം പുനസ്ഥാപിക്കാനായത്.

(Visited 39 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക