|    Sep 26 Wed, 2018 7:55 pm
FLASH NEWS
Home   >  Todays Paper  >  Page 4  >  

നാടന്‍ തോക്കുകളുമായി ലീഗ് നേതാവ് ഉള്‍പ്പെടെ നാലുപേര്‍ അറസ്റ്റില്‍

Published : 26th May 2017 | Posted By: fsq

 

തളിപ്പറമ്പ്: വാഹനപരിശോധനയ്ക്കിടെ നാടന്‍ തോക്കുകളുമായി ലീഗ് നേതാവ് ഉള്‍പ്പെടെ നാലുപേരെ പരിയാരം പോലിസ് അറസ്റ്റ് ചെയ്തു. തളിപ്പറമ്പ് അള്ളാംകുളം സ്വദേശികളായ മൊട്ടമ്മല്‍ മുഹമ്മദ്(58), ചെറുകുന്നോന്റകത്ത് മുസ്തഫ(38), സയ്യിദ് നഗറിലെ കക്കോട്ടകത്ത് വളപ്പില്‍ മുഹമ്മദ് കുഞ്ഞി(48), കാരക്കുണ്ടിലെ കുപ്പൂരിയന്‍ മുഹമ്മദ് അന്‍ഷാദ്(19) എന്നിവരെയാണു പരിയാരം എസ്‌ഐ വി ആര്‍ വിനീഷും സംഘവും അറസ്റ്റ് ചെയ്തത്. മുസ്‌ലിംലീഗ് നേതാവായ മുഹമ്മദ്കുഞ്ഞി തളിപ്പറമ്പ് നഗരസഭ മുന്‍ കൗണ്‍സിലറും സയ്യിദ് നഗറിലെ സെഞ്ച്വറി ട്രേഡേഴ്‌സ് ഉടമയുമാണ്. മുസ്തഫ സയ്യിദ് നഗറില്‍ അജാസ് സൂപ്പര്‍മാര്‍ക്കറ്റ് നടത്തിവരികയാണ്. പരിയാരം അമ്മാനപ്പാറയില്‍ വാഹനപരിശോധനയ്ക്കിടെയാണു സംഘം പിടിയിലായത്. തളിപ്പറമ്പ് ഭാഗത്തുനിന്നു പാണപ്പുഴ ഭാഗത്തേക്കു പോവുകയായിരുന്ന സംഘം സഞ്ചരിച്ച കാര്‍ പരിശോധിക്കുമ്പോള്‍ ഒളിപ്പിച്ചുവച്ച നിലയില്‍ രണ്ടു തോക്കും വെടിമരുന്നും കണ്ടെത്തുകയായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss