|    Jul 27 Thu, 2017 10:28 am
FLASH NEWS

നാഗ്ജിക്ക് വര്‍ണാഭമായ തുടക്കം

Published : 6th February 2016 | Posted By: SMR

കോഴിക്കോട്: 25 വര്‍ഷത്തെ ഇടവേളക്ക് ശേഷം നാഗ്ജി ട്രോഫി ഫൂട്‌ബോള്‍ ടൂര്‍ണമെന്റിന് വര്‍ണാഭമായ തുടക്കം. 1995ന് ശേഷം പുനരാരംഭിച്ച ടൂര്‍ണമെന്റിന്റെ 36-ാമത് പതിപ്പിനാണ് ഇന്നലെ ബ്രസീലിയന്‍ ക്ലബ് അത്‌ലറ്റിക്കോ പരാനന്‍സും ഇംഗ്ലീഷ് ക്ലബ്ബായ വാട്‌സ് ഫോര്‍ഡ് എഫ്‌സിയും തമ്മിലുള്ള മത്സരത്തോടെ തുടക്കമായത്. ഇന്നലെ കോര്‍പ്പറേഷന്‍ സ്റ്റേഡിയത്തില്‍ നടന്ന വര്‍ണാഭമായ ചടങ്ങില്‍ പത്മശ്രീ എം.എ യൂസഫലി ഉദ്ഘാടനം ചെയ്തു. പ്രാവിനെ പറത്തിയാണ് ഉദ്ഘാടനം ചെയ്തത്. സ്‌റ്റേഡിയത്തില്‍ തിങ്ങിനിറഞ്ഞ 35000 ഓളം കാണികളെ സാക്ഷി നിര്‍ത്തി വെടിക്കെട്ടിന് ശേഷമാണ് മത്സരം ആരംഭിച്ചത്. എ.പ്രദീപ് കുമാര്‍ എം.എല്‍.എ, ഡോ.സിദ്ദിഖ് അഹമ്മദ് എന്നിവര്‍ സംസാരിച്ചു. എം.കെ രാഘവന്‍ എം.പി, പി.ഹരിദാസ്, എന്‍.സി അബൂബക്കര്‍, നടന്‍ മാമുക്കോയ, സിജെ റോബിന്‍, ഹിഫ്‌നു റഹ്മാന്‍ എന്നിവര്‍ സന്നിഹിതരായിരുന്നു.ഇടവേളയില്‍ നരേഷ് അയ്യറിന്റെ ഗാനാലാപനവും അരങ്ങേറി. ആദ്യ സഹ റഫറിമാരായി സമര്‍പാല്‍,വിപിഎ നാസര്‍, സിആര്‍ ശ്രീകൃഷ്ണ കളത്തിലുണ്ടായിരുന്നു. മാച്ച് കമ്മീഷനറായി ഗൗതംഖറും റഫറിമാരുടെ നിരീക്ഷകനായി മൈക്കല്‍ ആന്‍ഡ്രൂസും ഗ്രൗണ്ടിന് പുറത്തുനിന്ന് നിയന്ത്രിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക