|    Oct 23 Tue, 2018 7:13 am
FLASH NEWS
Home   >  Todays Paper  >  page 7  >  

നാഗാ കരാര്‍ വെളിപ്പെടുത്തേണ്ട : സിഐസി

Published : 30th May 2017 | Posted By: fsq

 

ന്യൂഡല്‍ഹി: നാഗാലാന്‍ഡ് നാഷനല്‍ സോഷ്യലിസ്റ്റ് കൗണ്‍സിലും (എന്‍എസ്‌സിഎന്‍-ഐഎം) കേന്ദ്രസര്‍ക്കാരും 2015ല്‍ ഒപ്പുവച്ച സമാധാന കരാറിന്റെ വിശദാംശങ്ങല്‍ തടഞ്ഞുവയ്ക്കാന്‍ കേന്ദ്ര വിവരാവകാശ കമ്മീഷന്‍ (സിഐസി) ആഭ്യന്തര മന്ത്രാലയത്തിന് അനുമതി നല്‍കി. 2015 ആഗസ്ത് മൂന്നിന് കൗണ്‍സിലും കേന്ദ്ര സര്‍ക്കാരും തമ്മില്‍ ഒപ്പുവച്ച സമാധാന കരാറിന്റെ വിശദാംശങ്ങല്‍ ആവശ്യപ്പെട്ട് വിവരാവകാശ പ്രവര്‍ത്തകന്‍ വെങ്കടേഷ് നായകാണ് അപേക്ഷ നല്‍കിയിരുന്നത്. എന്നാല്‍, കേന്ദ്രം അപേക്ഷ തള്ളി. ഇതെ തുടര്‍ന്നാണ് ഹരജിക്കാരന്‍ വിവരാവകാശ കമ്മീഷനെ സമീപിച്ചത്. ഇപ്പോഴത്തെ സാഹചര്യത്തില്‍ സമാധാന കരാറുമായി ബന്ധപ്പെട്ട വിവരങ്ങള്‍ പുറത്തുവിടുന്നത് രാജ്യസുരക്ഷയെ ഹാനികരമായി ബാധിക്കുമെന്നു ജോയിന്റ് ഇന്റലിജന്‍സ് കമ്മിറ്റിയുടെ അധ്യക്ഷന്‍ ആര്‍ എന്‍ രവി വിവരാവകാശ കമ്മീഷനെ അറിയിച്ചു. സര്‍ക്കാര്‍ കരാറിലൂടെ സ്വായത്തമാക്കിയ നേട്ടങ്ങള്‍ ഇല്ലാതാക്കാന്‍ ആഗ്രഹിക്കുന്നില്ലെന്നും മുഖ്യ വിവരാവകാശ കമ്മീഷണര്‍ ആര്‍ കെ മാഥൂര്‍ അഭിപ്രായപ്പെട്ടു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss