|    Oct 17 Tue, 2017 5:48 am
FLASH NEWS

നഷ്ടത്തിലേക്കു കൂപ്പുകുത്തിയിട്ടും ബസ്സില്‍ യാത്രക്കാരെ കയറ്റാതെ കെഎസ്ആര്‍ടിസി ജീവനക്കാര്‍

Published : 7th October 2017 | Posted By: fsq

 

അമ്പലപ്പുഴ: നഷ്ടത്തിലേക്ക് കൂപ്പുകുത്തിയിട്ടും യാത്രക്കാരെ കയറ്റാതെ കെഎസ്ആര്‍ടിസി ജീവനക്കാര്‍.ആലപ്പുഴയില്‍ നിന്ന്് കരുമാടിയിലേക്ക് സര്‍വീസ് നടത്തിയ ആര്‍ആര്‍സി 513ാം നമ്പര്‍ കെ എസ്ആര്‍ടിസി ബസ്സിലെ ജീവനക്കാരാണ് പല സ്‌റ്റോപ്പിലും നിര്‍ത്താതെ പാഞ്ഞു പോയത്. ഇന്നലെ രാവിലെ വളഞ്ഞവഴി, കാക്കാഴം, ഇരട്ടക്കുളങ്ങര എന്നീ സ്‌റ്റോപ്പുകളില്‍ വിദ്യാര്‍ഥികളും സര്‍ക്കാര്‍ ജീവനക്കാരും ഉള്‍പ്പെടെ നിരവധി യാത്രക്കാരാണ് പെരുമഴയത്ത് ഈ ബസ് കാത്തുനിന്നത്. പതിവായി ഈ ബസ്സിനെ ആശ്രയിക്കുന്ന യാത്രക്കാര്‍ ഇന്നലെ വിവിധ സ്‌റ്റോപ്പുകളിലും കാത്തുനിന്നെങ്കിലും പല സ്‌റ്റോപ്പുകളിലും നിര്‍ത്തതെ ഓടുകയായിരുന്നു ഈ ബസ്. വിരലിലെണ്ണാവുന്ന യാത്രക്കാരുമായി വന്ന ബസ്സ് യാത്രക്കാര്‍ കൈകാണിച്ചിട്ടും നിര്‍ത്താന്‍ തയാറായില്ല. ഇതു സംബന്ധിച്ച് യാത്രക്കാര്‍ കെഎസ്ആര്‍ടിസിക്ക് പരാതി നല്‍കി. പരാതി പരിശോധിച്ച് നടപടിയെടുക്കുമെന്ന് കെഎസ്ആര്‍ടിസി അധികൃതരും വ്യക്തമാക്കി. ഏറെ തിരക്കുള്ള സമയത്തും സ്‌റ്റോപ്പില്‍ നിന്ന്് യാത്രക്കാരെ കയറ്റാതെ കെ എസ്ആര്‍ടിസി ജീവനക്കാര്‍ ഈ രീതിയില്‍ പെരുമാറുന്നത് പതിവായിരിക്കുകയാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക