|    Apr 20 Fri, 2018 2:31 pm
FLASH NEWS
Home   >  Todays Paper  >  page 7  >  

നവീന്‍കുമാറിന് കൊലയാളിയെ നേരിട്ടറിയാമെന്ന് പോലിസ്

Published : 12th March 2018 | Posted By: kasim kzm

ബംഗളൂരു: മാധ്യമപ്രവര്‍ത്തക ഗൗരി ലങ്കേഷിനെ വധിച്ച കേസില്‍ അറസ്റ്റിലായ നവീന്‍കുമാറിന് കൊലയാളിയെ നേരിട്ടറിയാമെന്ന് പ്രത്യേക അന്വേഷണ സംഘം. എന്നാല്‍, നവീന്‍കുമാര്‍ ഇക്കാര്യങ്ങളെല്ലാം മറച്ചു വയ്ക്കുകയാണെന്നും അവര്‍ വ്യക്തമാക്കി.
രാജ്യത്തിന്റെ വിവിധ സ്ഥലങ്ങളില്‍ യുവാക്കളെ ഉള്‍പ്പെടുത്തി ഹിന്ദുത്വ പരിപാടി സംഘടിപ്പിച്ചിരുന്നത് നവീനാണ്. ഗൗരി ലങ്കേഷിന്റെ കൊലപാതകം ആസൂത്രണം ചെയ്തതിലും നവീന് പങ്കുണ്ട്. കൊലയാളിയെ നവീന് നേരിട്ടറിയാം. എന്നാല്‍, പലരെയും രക്ഷപ്പെടുത്തുന്നതിനായി ഇദ്ദേഹം ഇത് മറച്ചുവയ്ക്കുകയാണ്.
കെ എസ് ഭഗവാനെ  കൊലപ്പെടുത്താന്‍ നടത്തിയ ശ്രമവുമായി ബന്ധപ്പെട്ട് നവീന്‍ നടത്തിയ ഫോണ്‍ സംഭാഷണത്തിന്റെ രേഖകള്‍ വൈകാതെ കണ്ടെത്തും. ഇതിന്റെ ആധികാരികതക്കായി ഫോറന്‍സിക് പരിശോധന നടത്തുമെന്നും അന്വേഷണ സംഘം വ്യക്തമാക്കി. ഇദ്ദേഹത്തെ തമിഴ്‌നാട്ടിലെ കൊടൈക്കനാലിലും ഗോവയിലും ഉത്തര്‍പ്രദേശിലും മഹാരാഷ്ട്രയിലും മറ്റും തെളിവെടുപ്പിന് കൊണ്ടുപോവാന്‍ അന്വേഷണ സംഘം തയ്യാറെടുക്കുന്നതായാണ് സൂചന.
നവീന്‍കുമാറുമായി നേരിട്ട് ബന്ധമുള്ള ഹിന്ദുത്വരെ കുറിച്ചുള്ള വിവരങ്ങള്‍ ശേഖരിക്കാനാണിത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss