|    Sep 20 Thu, 2018 10:58 pm
FLASH NEWS
Home   >  Todays Paper  >  Page 4  >  

നഴ്‌സുമാരുടെ ശമ്പളം വര്‍ധിപ്പിച്ചാല്‍ ചികില്‍സാ ചെലവ് ഉയര്‍ത്തും: മാനേജ്‌മെന്റുകള്‍

Published : 23rd May 2018 | Posted By: kasim kzm

തിരുവനന്തപുരം: നഴ്‌സുമാരുടെ ശമ്പളം വര്‍ധിപ്പിച്ചാല്‍ ചികില്‍സാ ചെലവ് ഉയര്‍ത്തേണ്ടിവരുമെന്ന് സ്വകാര്യ ആശുപത്രി മാനേജ്‌മെന്റ് അസോസിയേഷന്‍. ശമ്പള വര്‍ധനയ്‌ക്കെതിരേയുള്ള നിയമനടപടി തുടരുമെന്നും മാനേജ്‌മെന്റ് അറിയിച്ചു.
നഴ്‌സുമാരുടെ മിനിമം വേതന ഉത്തരവ് സ്‌റ്റേ ചെയ്യണം എന്നാവശ്യപ്പെട്ട് കേരളത്തിലെ ആശുപത്രി മാനേജ്‌മെന്റുകള്‍ നല്‍കിയ ഹരജി സുപ്രിംകോടതി കഴിഞ്ഞ ദിവസം തള്ളിയിരുന്നു. സര്‍ക്കാര്‍ വിജ്ഞാപനം ചോദ്യം ചെയ്തുള്ള മാനേജ്‌മെന്റുകളുടെ ഹരജി ഒരു മാസത്തിനകം തീര്‍പ്പാക്കാന്‍ ഹൈക്കോടതിക്ക് നിര്‍ദേശം നല്‍കുകയും ചെയ്തു. തുടര്‍ന്നാണ് ശമ്പള വര്‍ധനയ്‌ക്കെതിരേ പുതിയ നിലപാടുമായി സ്വകാര്യ ആശുപത്രി മാനേജ്‌മെന്റ് അസോസിയേഷന്‍ രംഗത്തുവന്നത്.
അതേസമയം, സ്വകാര്യ ആശുപത്രി മാനേജ്‌മെന്റുകളുടെ പുതിയ നിലപാടുകള്‍ക്കെതിരേ നഴ്‌സുമാര്‍ പ്രതിഷേധിച്ചു. ശമ്പളവര്‍ധന നല്‍കാന്‍ 13 ആശുപത്രികള്‍ സമ്മതിച്ചതായി നഴ്‌സുമാര്‍ പ്രതികരിച്ചു. പുതുക്കിയ ശമ്പളം തരാന്‍ തയ്യാറാവാത്ത ആശുപത്രികള്‍ക്ക് സമര നോട്ടീസ് നല്‍കാനാണ് യുനൈറ്റഡ് നഴ്‌സസ് അസോസിയേഷന്റെ തീരുമാനം.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss