|    Mar 25 Sat, 2017 5:43 am
FLASH NEWS

നഴ്‌സിങ് ജോലി തട്ടിപ്പ്; മൂന്നംഗസംഘം പിടിയില്‍

Published : 11th March 2016 | Posted By: SMR

കാക്കനാട്: വിദേശത്ത് നഴ്‌സിങ് ജോലി വാഗ്ദാനം ചെയ്തു പണം തട്ടിയെടുത്ത മൂവര്‍സംഘം പോലിസ് പിടിയിലായി. കോതമംഗലം പൂയംകുട്ടി സ്വദേശി ഷിജു മാത്യു(38), തിരുവല്ല പുല്ലാട് സ്വദേശി രാജീവ് മാത്യു(33), തിരുവാണിയൂരില്‍ വാടകയ്ക്കു താമസിക്കുന്ന ജോഷി(40) എന്നിവരാണ് പിടിയിലായത്.
2012 മുതല്‍ ബ്രൂണയ്, ദുബയ്, ബഹ്‌റയ്ന്‍ എന്നിവിടങ്ങളിലെ പ്രമുഖ ആശുപത്രികളിലേക്ക് നഴ്‌സിങ് ജോലി വാഗ്ദാനം നല്‍കി കേരളത്തിലെയും തമിഴ്‌നാട്ടിലെയും സ്ത്രീകള്‍ ഉള്‍പ്പെടെയുള്ളവരില്‍നിന്ന് 50 ലക്ഷത്തോളം രൂപ ഇവര്‍ തട്ടിയെടുത്തതായി പോലിസ് പറഞ്ഞു. സംസ്ഥാനത്തെ വിവിധ പോലിസ് സ്റ്റേഷനുകളില്‍ ഇതേ രീതിയില്‍ കേസുകള്‍ ഉള്ള ഇവര്‍ പോലിസിനെ വെട്ടിച്ചു മുങ്ങി നടക്കുകയായിരുന്നു.
ഒരു സ്ഥലത്ത് ഓഫിസ് പ്രവര്‍ത്തനം ആരംഭിച്ച് ലക്ഷങ്ങള്‍ പലരില്‍ നിന്നായി വാങ്ങിയ ശേഷം കുറച്ചുനാള്‍ കഴിഞ്ഞ് ഓഫിസ് പൂട്ടി മുങ്ങുകയെന്നതായിരുന്നു ഇവരുടെ രീതിയെന്ന് പോലിസ് പറഞ്ഞു. ഇത്തരത്തില്‍ പല സ്ഥലങ്ങളില്‍ മാറി മാറി താമസിച്ചാണ് ഇവര്‍ തട്ടിപ്പു നടത്തിയിരുന്നത്.

(Visited 47 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക