|    Nov 19 Sun, 2017 5:57 pm
FLASH NEWS
Home   >  Todays Paper  >  Page 4  >  

നരേന്ദ്ര മോദി- അമിത് ഷാ കൂട്ടുകെട്ട് കേരളത്തില്‍ ക്ലച്ചു പിടിക്കില്ല: രമേശ് ചെന്നിത്തല

Published : 1st May 2016 | Posted By: SMR

തിരുവനന്തപുരം: നരേന്ദ്ര മോദി- അമിത് ഷാ കൂട്ടുകെട്ടിന്റെ തന്ത്രങ്ങളൊന്നും കേരളത്തില്‍ ക്ലച്ചു പിടിക്കില്ലെന്ന് ആഭ്യന്തരമന്ത്രി രമേശ് ചെന്നിത്തലയുടെ ഫേസ്ബുക്ക് പോസ്റ്റ്. കുറേക്കാലമായി കേരളത്തില്‍ അക്കൗണ്ട് തുറക്കാന്‍ പല കുതന്ത്രങ്ങളും പ്രയോഗിക്കുന്നുണ്ടെങ്കിലും ഇത്തവണയും ബിജെപിയുടെ മോഹം പൂവണിയില്ല.
ജാതിമത സംഘടനകളെ കൂട്ടുപിടിച്ച് പുതിയൊരു സമവാക്യം തീര്‍ക്കാനുള്ള ശ്രമം വിലപ്പോവില്ലെന്ന് ഇതിനകം തെളിഞ്ഞുകഴിഞ്ഞു. വര്‍ഗീയതയ്ക്കും അക്രമ രാഷ്ട്രീയത്തിനും പുതിയൊരു മുഖം നല്‍കി പരീക്ഷിക്കാനാണ് മോദി- അമിത് ഷാ കൂട്ടുകെട്ടിന്റെ തന്ത്രം. ഇപ്പോഴിതാ പുതിയ കുതന്ത്രമായിട്ടാണ് ബിജെപി നേതൃത്വം ഇറങ്ങിയിരിക്കുന്നത്. രാജ്യസഭാ നാമനിര്‍ദേശത്തിലൂടെ കേരളത്തിലെ വോട്ടര്‍മാരെ സ്വാധീനിക്കാന്‍ കഴിയുമോയെന്ന് നോക്കുകയാണ്.
സുരേഷ്‌ഗോപി നല്ല നടനും സുഹൃത്തുമാണ്. എന്നാല്‍, അദ്ദേഹം ചെന്നു പെട്ടിരിക്കുന്നത് എ ഗുഡ് മാന്‍ ഇന്‍ എ ബാഡ് കമ്പനി എന്ന അവസ്ഥയിലാണ്. ഏത് കുറുക്കുവഴിയും സ്വീകരിച്ച് വോട്ടുതട്ടാനുള്ള തന്ത്രം കേരളത്തില്‍ വിലപ്പോവില്ലെന്ന് ബിജെപി നേതാക്കള്‍ ഓര്‍ത്താല്‍ നന്ന്. കേരളത്തിലെ ജനാധിപത്യ മതേതര വിശ്വാസികളായ വോട്ടര്‍മാര്‍ ഇത്തരത്തിലുള്ള കുതന്ത്രങ്ങളിലൊന്നും പെട്ടുപോവില്ലെന്നും ചെന്നിത്തല ഫേസ്ബുക്ക് പോസ്റ്റില്‍ പറയുന്നു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക