|    Sep 22 Sat, 2018 5:02 pm
FLASH NEWS

നരേന്ദ്രമോദി സര്‍ക്കാര്‍ രാജ്യത്ത് മതേതരത്വം തകര്‍ക്കാന്‍ ശ്രമിക്കുന്നു: തിരുവഞ്ചൂര്‍ രാധാകൃഷ്ണന്‍

Published : 29th December 2017 | Posted By: kasim kzm

പത്തനംതിട്ട: പ്രധാനമന്ത്രി നരേന്ദ്രമോദി രാജ്യത്ത് വര്‍ഗീയത സൃഷ്ടിച്ച് മതേതരത്തെ തകര്‍ക്കാനാണ്  ശ്രമിക്കുന്നതെന്ന് തിരുവഞ്ചൂര്‍ രാധാകൃഷ്ണന്‍ എംഎല്‍എ പറഞ്ഞു. ഡിസിസി പത്തനംതിട്ടയില്‍ സംഘടിപ്പിച്ച ഇന്ത്യന്‍ നാഷണല്‍ കോണ്‍ഗ്രസിന്റെ 133ാം ജന്മദിനാഘോഷം ഉദ്ഘാടനം ചെയ്യുകയായിരുന്നു അദ്ദേഹം. മതേതരത്തെ സംരക്ഷിക്കാന്‍ മോദി സര്‍ക്കാരിനെ വീഴ്്ത്തണമെന്ന് ചിന്ത ജനങ്ങളിലുണ്ടായി തുടങ്ങി. സംസ്ഥാനത്ത് ഭരണത്തിലുള്ള പിണറായി സര്‍ക്കാരും ഇപ്പോള്‍ ഇവരോടൊപ്പം ചേര്‍ന്നിരിക്കുകയാണെന്നും തിരുവഞ്ചൂര്‍ കുറ്റപ്പെടുത്തി. ഡിസിസി പ്രസിഡന്റ്  ബാബു ജോര്‍ജ് അധ്യക്ഷത വഹിച്ചു. അടൂര്‍ പ്രകാശ് എംഎല്‍എ,  മുന്‍ ഡിസിസി പ്രസിഡന്റ് പി മോഹന്‍രാജ്, മാലേത്ത് സരളാ ദേവി, സതീഷ് കൊച്ചു പറമ്പില്‍,  ഡിസിസി  ഭാരവാഹികളായ എ സുരേഷ്‌കുമാര്‍, വെട്ടൂര്‍ ജ്യോതി പ്രസാദ്്, സാമുവല്‍ കിഴക്കുപുറം, കാട്ടൂര്‍ അബ്്ദുല്‍ സലാം, റെജി പൂവത്തൂര്‍,  സുനില്‍പൂല്ലാട്,  ഹരിദാസ് ഇടത്തിട്ട,  സുനില്‍ എസ് ലാല്‍,  പന്തളം പ്രതാപന്‍ സംസാരിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss