|    Dec 18 Mon, 2017 8:19 pm

നരിക്കുനിയില്‍ ഹോട്ടലിലെ തീപിടിത്തം പരിഭ്രാന്തി പരത്തി

Published : 12th February 2016 | Posted By: SMR

നരിക്കുനി: നരിക്കുനി അങ്ങാടിയുടെ ഹൃദയഭാഗത്തെ ഹോട്ടലിലെ തീപിടിത്തം പരിഭ്രാന്തി പരത്തി. മെയിന്‍ റോഡിലെ പ്രിന്‍സ് ഹോട്ടലിലാണ് ഇന്നലെ പകല്‍ 10.15 ഓടെ തീപിടിത്തമുണ്ടായത്.
അടുക്കളയിലെ സിലിണ്ടറില്‍ നിന്ന് ഗ്യാസ് ചോര്‍ന്നതാണ് തീപിടിത്തത്തിന് കാരണമായത്. ടൗണിന്റെ ഹൃദയഭാഗത്തു തന്നെയുള്ള കെട്ടിടത്തില്‍ തീ ആളിപ്പടര്‍ന്നത് ഏറെ നേരം പരിഭ്രാന്തിയിലാക്കി.
തീപിടിത്ത വാര്‍ത്ത അറിഞ്ഞയുടന്‍ ഒരു കിലോമീറ്ററകലെയുള്ള ചെമ്പക്കുന്നിലെ ഫയര്‍‌സ്റ്റേഷനില്‍ നിന്നും രണ്ട് യൂനിറ്റ് ഫയര്‍ഫോഴ്‌സെത്തി തീ നിയന്ത്രണവിധേയമാക്കിയത് വന്‍ ദുരന്തം ഒഴിവാക്കി.
അടുത്തടുത്തായി നിരവധി കെട്ടിടങ്ങളാണ് സമീപത്തുള്ളത്. ആര്‍ക്കും പരിക്കില്ല. സ്റ്റേഷന്‍ ഓഫിസര്‍ ജാഫര്‍ സാദിഖിന്റെ നേതൃത്വത്തിലാണ് അഗ്നിശമന സേന രക്ഷാ പ്രവര്‍ത്തനങ്ങള്‍ നടത്തിയത്.
വന്‍ ജനക്കൂട്ടം സംഭവമറിഞ്ഞ് തടിച്ച് കൂടിയിരുന്നു. ഇതുവഴിയുള്ള ഗതാഗതവും തടസപ്പെട്ടു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss