|    Jan 24 Tue, 2017 10:39 am
FLASH NEWS

നയം വ്യക്തമാക്കി അടൂര്‍ പ്രകാശ്

Published : 2nd April 2016 | Posted By: SMR

എസ് ഷാജഹാന്‍

പത്തനംതിട്ട: ഹൃദയശുദ്ധിയോടെ ചെയ്ത പ്രവര്‍ത്തനങ്ങളെ അപഹസിക്കുന്നത് ശരിയാണോയെന്ന് മന്ത്രി അടൂര്‍ പ്രകാശ്. ഇന്നലെ ഫേസ്ബുക്ക് പോസ്റ്റിലൂടെയാണ് തന്റെ നിലപാടുകളെയും പ്രവൃത്തികളെയും അടൂര്‍ പ്രകാശ് വിലയിരുത്തിയത്.
ഫേസ്ബുക്കിലെ കുറിപ്പുകള്‍ ഇങ്ങനെ…അരനൂറ്റാണ്ടുകാലം എളിയ കോണ്‍ഗ്രസ് പ്രവര്‍ത്തകനായും രണ്ടു പതിറ്റാണ്ടുകാലം ജനപ്രതിനിധിയായും പ്രവര്‍ത്തിച്ചത് സ്ഥാനമാനങ്ങള്‍ക്കോ അധികാര തിമിരം ബാധിച്ചോ അല്ല എന്നത് എന്നെ അറിയുന്ന സാധാരണ ജനവിഭാഗത്തിന് അറിവുള്ളതാണ്. എളിയ കോണ്‍ഗ്രസ് പ്രവര്‍ത്തകനായ എന്റെ ആഗ്രഹം കോണ്‍ഗ്രസ്സിന്റെ കെട്ടുറപ്പാണ്. എന്റെ പ്രവര്‍ത്തനങ്ങളെ കേരളീയ പൊതുസമൂഹത്തിനും കോന്നി നിവാസികള്‍ക്കും മനസ്സിലാവാതിരിക്കാന്‍ തരമില്ല. എന്നാല്‍ തിരഞ്ഞെടുപ്പ് രാഷ്ട്രീയത്തിലാണെങ്കിലും മൂല്യങ്ങളെ ബലികഴിച്ച് വസ്തുതകളെ വിലയിരുത്താതെ ഹൃദയശുദ്ധിയോടെ ചെയ്ത പ്രവര്‍ത്തനങ്ങളെ അപഹസിക്കുന്നത് ശരിയാണോ എന്ന് ആത്മ പരിശോധന നടത്തേണ്ടത് സാമാന്യ മര്യാദയാണ്. പ്രവൃത്തി ചെയ്യുന്നിടത്തേ പരാതികളുണ്ടാവൂ. ജനനന്‍മയ്ക്കായ് പ്രവര്‍ത്തിച്ച യുഡിഎഫിന്റെ വിജയം മാത്രമാണ് എന്റെ ലക്ഷ്യം. ജനക്ഷേമ പ്രവര്‍ത്തനങ്ങള്‍ക്കായി തുടര്‍ഭരണം ആഗ്രഹിക്കുന്ന എളിയ പ്രവര്‍ത്തകന്‍ മാത്രമാണ് ഈയുള്ളവന്‍. ജനക്ഷേമ പ്രവര്‍ത്തനത്തിനായ് ജനനന്‍മയുടെ പൂവിളി ഉയര്‍ത്താന്‍ എന്നും കൂടെയുണ്ടാവുമെന്ന് പറഞ്ഞാണ് കുറിപ്പ് അവസാനിക്കുന്നത്.

Share on FacebookShare on Google+Tweet about this on TwitterShare on LinkedIn
(Visited 47 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക